هناكل ايه انهاردة؟ وصفات لأكلات في رمضان

طبعا السؤال الوجودي بتاع هناكل ايه انهاردة؟ أو هنفطر ايه بكرة؟ من اكتر الأسئلة اللي بندوخ فيها يوميا و خصوصا في رمضان ، بنبقي عايزين نجدد و في نفس الوقت نعمل أكل لذيذ و مايخدش وقت طويل ، عشان كدة كل أسبوع هننزلكم وصفات سهلة و لذيذة و ممكن تعمليها في رمضان .

أول وصفة شيخ المحشي (اكلة سورية على طريقة ليلى غزاوي)،

 طبعا المحشي عضو عامل علي سفرة رمضان ، بس خلينا ناخد الوصفة السوري و نجدد من المحشي التقليدي بتاعنا ؛

المقادير:

كيلو كوسة متقورة او نص حسب رغبة الكمية 

نص كيلو لحمة مفرومة

بصلة مفرومة او تقطيع صغير جدًا 

رشة ملح 

رشة فلفل أسود 

رشة جوزة الطيب

٧معلقة صغيرة  بهارات 

١ماجي فورية 

كيلو زبادي لو كيلو كوسة لو نص كيلو يبقي نص ميلو زبادي 

بيضة

معلقة كبيرة نشا 

معلقة صغيرة ملح

لوز او صنوبر

طريقة التحضير:

تعصيج اللحمة المفرومة و تسويتها كويس

هنشوح البصلة و ننزل اللحمة و نضيف السبع بهارات و الماجي و الفلفل الاسود و جوزة الطيب ونسبها تستوي كويس قوي و بعدين نحشي بيها الكوسة 

نجيب طاسة علي النار و شوية زيت صغيرين و نحمر الكوسة بس متتحرقش 

و في حلة تانية نبقي مجهزين مياه بتغلي عشان بعد مانحمر الكوسة ننزلها فيها عشان ميبقاش فيها زيت و مش هنسبها كتير هو يدوبك ننزل الكوسة و نطلعها تتصفي 

و نحمر اللوز او الصنوبر

للصوص:

هنجيب مصفي عشان نصفي فيها الزبادي و بعدين هنضيف البيضة و ملح و النشا و نقلبهم كويس قوي قبل مانحطها علي النار و علي نار وسط و نفضل نقلب لحد ما تسخن و القوام يتماسك و يتقل و مينفعش نوقف تقليب عشان القوام بتعها هيسقط و محرد ماتغلي و تتقل ننزل الكوسة فيها و بعدين نقلبها في بايركس او اي طبق للتقديم و نضيفلها اللوز او الصنوبر

و ممكن تشوفيها من اللينك دة :

https://www.instagram.com/reel/Cb7m0y6AIDk/?igshid=NjY2NjE5MzQ=

 

تاني وصفة، المكرونة المحشية بالجبنة (على طريقة ليلى رزق)،

طبعا لو مش مكرونة بالبشاميل تبقي مكرونة بالجبنة معروفة، 

المقادير :

قواقع مكرونة كبيرة حوالي ٥٠٠ جم

(صوص الطماطم باللحمة المفرومة)

ملعقة صغيرة زيت نباتي

بصلة متقطعة صغير

جزرة مبشورة

نص كيلو لحم مفروم

برطمان طماطم قطع او ٣ طماطم بدون قشر متقطعين صغير

عصير طماطم مركز ٣٠٠ جم

عصير عنب بدون سكر ١٠٠ جم

خل بلسميك ملعقة صغيرة

ملح وفلفل وجوزة الطيب وورق لاورو

(للجبنة)

ريكوتا حوالي ٢٠٠ جم

موتزاريلا مبشورة حوالي ١٥٠ جم

شيدر حوالي ١٠٠ جم

جودة حوالي ١٠٠ جم

٤بيض بلدي او ٢ بيض عادي

ثوم بودرة وملح

(بشاميل)

٤ملاعق كبيرة زيت زيتون وزبدة 

٤ملاعق كبيرة دقيق

لتر ونص لبن

ملح وفلفل وجوزة الطيب على الوش

جبنة موتزاريلا فريش وبارميزان

طريقة التحضير:

١-بنسلق المكرونة نص سلقة على حسب نوع المكرونة (انا هنا استخدمت مكرونة ايطاليانو وسلقتها لمدة خمس دقايق في ميه بتغلى مع شوية زيت صغيرين وملح) وبعدين نصفيها على فوطة نضيفة

٢-بنبدأ بالصوص، نشوح بصلة متقطعة صغير وجزرة مبشورة في زيت، لما يدبلوا بنضيف اللحمة المفرومة (نص كيلو) لحد ما لونها يبقى بني وبعدين نزود طماطم متقطعة قطع صغيرة (سواء طازة او معلبة) وعصير طماطم مركز وكمان عصير عنب احمر بدون سكر (حوالي ربع كباية) وخل بلساميك وبعدين نحط ملح وفلفل وجوزة الطيب وورق لاورو، ونسيبها على نار هادية حوالي ساعة ونص لساعتين

٣-بنعمل خليط الجبنة الي احنا عاوزينها، حطي ريكوتا وموتزاريلا وشيدر وجودا،  وبنربطهم بالبيض ونزود بودرة ثوم وملح (على حسب الجبنة)

٤-بنعمل الباشاميل بزيت زيتون وزبدة ودقيق ولما الدقيق يستوى زودي اللبن على مراحل وحطي ملح وفلفل وجوزة الطيب، وقلبيه كويس

في الاخر بنحط الصوص في الطبق الي هنسوي فيه المكرونة وفوقيه باشاميل وبعدين نحشي القواقع بالجبنة ونرصها في الطبق، وفوقها هنحط تاني باشاميل وجبنة (هنا حطينا موتزاريلا فريش وبارميزان) وندخلها الفرن نص ساعة على حرارة ٢٠٠ لحد ماوشها يحمر ولما تطلع نرش عليها زعتر او ريحان

و ممكن تشوفي الوصفة في الفيديو دة : 

https://www.instagram.com/reel/CcJCTruALjN/?igshid=NjY2NjE5MzQ=

 

تالت وصفة الحلو بقي ، كيكة التمر بالكراميل صوص (على طريقة سالي الشافعي)

المقادير :

٢٠٠غ من التمر الناعم المجفف ، المفروم خشناً

٢٠٠مل ماء مغلي

١ملعقة صغيرة بيكربونات الصودا

٨٠جرام زبدة غير مملحة ، طرية ، بالإضافة إلى المزيد للدهن

٢ملعقة كبيرة دبس

٥٠جرام سكر موسكوفادو غامق

٢بيضه كبيره بدرجة حرارة الغرفة

١ملعقة صغيرة فانيليا

١ملعقة صغيرة هيل بودرة

١ملعقة صغيرة قرفة

١٦٠جرام دقيق عادي

٢ملعقة صغيرة بيكنج بودر

**لتحضير الصوص

١٥٠جرام زبدة غير مملحة طرية

٣٠٠جرام سكر موسكوفادو غامق

٢ملعقة كبيرة دبس تمر او عسل اسود 

٢٠٠مل كريمة ثقيلة

طريقة التحضير 

سخن الفرن مسبقًا إلى 180 درجة مئوية وادهن  القوالب بقليل من الدهن

ضعي التمر المفروم والماء المغلي وبيكربونات الصودا في وعاء وحركي ثم اتركيه لمدة 10 دقائق.

اخفقي الزبدة والدبس معًا في الخلاط حتى يمتزجوا جيدًا ، ثم أضيفي السكر واخلطيهم مرة أخرى ، واخفقي البيض واحدًا تلو الآخر حتى يتجانس تمامًا ، أضيفي الفانيليا ثم الطحين والبيكنج باودر والتوابل حتى يصبح لديك خليط ناعم ، خليط سميك.

باستخدام شوكة / هراسة ، قلّبي التمر المنقوع ، واهرسهم قليلاً ، ثم اسكب التمر والسائل في الخليط واخلطهم برفق حتى يمتزجوا.

صُب الكيك واكشطه في الطبق المُجهز أو قالب الكيك واخبزه لمدة 30-35 دقيقة ، أو حتى يخرج جهاز اختبار الكيك نظيفًا.

في هذه الأثناء ، لتحضير الصلصة ، تذوب الزبدة وسكر الموسكوفادو والدبس على نار خفيفة جدًا. بمجرد أن تذوب الزبدة ، قلبي برفق حتى يذوب كل شيء آخر أيضًا. قلبي الآن الكريمة ، ثم ارفعي الحرارة وعندما تغلي وتسخن ، ارفعيها عن النار.

و ممكن تشوفي الوصفة من هنا 

https://www.instagram.com/reel/CcAeqPngttt/?igshid=NjY2NjE5MzQ=

 

استنونا كل أسبوع بوصفات جديدة و لذيذة ، و بالهنا و الشفا !