Articles

في ناس اصلا بتتكسف تطلب من البداية وبتحس انها لما تطلب الموضوع هيبقي ملوش طعم ومش زي انها تيجي منه لوحده ، فا مش بتحاول اصلاوتفضل كاتمه جواها وده ممكن يطلع في صوره عصيبة علي حاجات تانية طب الناس اللي بتطلب ليه مفيش تغيير بيحصل؟ الموضوع ده بيحصل عشان كذا سبب: ١- ممكن هو اصلا مش بيعرف يعمل الحاجات دي، يعني مش طبيعته وصعبه عليه ، وطلبك ليها بيحطه في مزنق انه مش عارف يتصرف وخايف شكله يبقي وحش لو عمل الحاجات دي بشكل غلط،فا دي مهاره مش عنده اصلا ٢- تاني سبب انه لو شغله فيه ضغط دائما،  وبالنسبه لاي راجل شغله هو اهم حاجه وبالنسبه له، دي تعتبر حاجات تافهه بالمقارنه بالضغوط اللي عليه ، فطبيعي ان شغله ياخد كل وقتهومجهوده وهيرجع البيت معندوش اي طاقه او مجهود يعمل اي حاجه غير انه يفضي دماغه.  ٣- بتطلبي منه بطريقه سخيفه ، فيها لوم او عتاب او مقارنه بازواج صحابك وده بيخليه يعند اكتر وميعملش اللي انتي عايزاه ٤- لما بيعملها في الاول بيعملها بطريقة بدائيه وممكن تتريقي عليه او تنتقديه او اصلا متشكريهوش او ما تشجعيهوش علي الخطوه اللي عملها ، فا بيكون اصلا بيعملها بصعوبة ولما مش بيلاقي رد فعل كويس بيحس انه فشل ومش بيحاول تاني  ٥- لو مش بيهتم بصحته، لو مش بيهتم بصحته، فا طاقته هتكون قليله فعلي اخر اليوم هيبقي مش شايف قدامه ومش عايز يعمل حاجه غير انه ينام و حتي مش هيكون قادريتكلم ٦- ان ملكيش رصيد ايجابي كفايه عنده، لو العلاقه بايظه اصلا وفي حاجات هو عايزاها هو كمان مش بتتعمل ، فا مش هيحاول يبذل اي مجهود عشانك ، لان هو اصلا مش مبسوط النتيجه بتكون انك بتتكسفي انك تطلبي تاني ، لانك اصلا شايفه انك قللتي من نفسك وجيتي عليها اوي عشان تطلبي طلب زي ده،  و بعد ما كمانعملتي كده مفيش حاجه حصلت برده او حصلت بطريقه بدائيه اوي او طريقة ميكانيكية كانها مش طالعه منه بتلقائية او بيعملها غصب عنه اوطريقتها مضحكة  فا بتحسي ايه ده مش ده اللي انا عايزاه فخلاص مفيش فايده ومش بتحاولي تاني وده بيسببلك احباط ويخليكي متضايقه منه من اقل حاجه الحل ايه؟ ١- اولا لو المهارة مش عنده ، فا واحده واحده علميه واصبري عليه ولازم لازم تشجعيه علي اي خطوه مهما كانت صغيره وتشكريه عليها، لان دهاللي هيخليه يستمر ويحاول يحسن من نفسه ، غير كده هيحبط ويبطل يحاول  ٢- لو هو شخص عنده ضغوط كتير ، حاولي تبسطي الطلبات علي قد ما تقدري بحيث انها تبقي سهله عليه ، يعني مثلا ثبتوا يوم تخرجوا فيه فيالاجازه ، اطلبي منه يجبلك ورد مثلا في المناسبات ، اختاري وقت تقعدوا تتكلموا في لوحدكوا … وهكذا حاجات بسيطه يقدر يعملها بسهولة ٣- خلي طريقه طلبك تبقي لطيفه جدا ، وكلها تشجيع ، يعني اختاري الوقت المناسب مبدائيا وقولي انا بحب اوي انك تعملي كذا.. مثلا وهبقيمبسوطه اوي لو عملته  وكرري الطلب ده كل شويه يعني كل فتره اطلبي نفس الطلب مره تانيه ، عشان يحس ان فعلا دي حاجه مهمه بالنسبة لك وانك مش بتقولي اي كلاموخلاص  ٤- شجعيه جامد علي ابسط الحاجات لو عمل اي حاجه وافتكري انه ما دام حاول يعمل حاجه فانتي مهمة بالنسبة له، وهو بيحاول يسعدك حتي لومش عارف يعملها ازاي ، فاقدري مجهوده جدا وبلاش تريقه او انتقاد ٥- حاولي انتي وهو تعيشوا حياه صحيه لانها بتفرق جدا في النفسيه وبتخلي عندكوا طاقه انكوا تحسنوا من نفسكوا ، الاكل الغير صحي و قله النوموالرياضه بتاثر جدا علي الحاله النفسيه والمزاجية  ٦- اساليه هو عايزك تعمليله ايه هو كمان ، ايه الحاجه اللي نفسه انتي تعمليهاله وبلاش تخمني ، اساليه ولو قال مفيش ، كرري السؤال كل فتره لحدما تجيله اجابة ، اعملي رصيد ايجابي عنده عشان يعملك اللي انتي عايزاه وفي النهايه … اللي قالك ان الاهتمام ما بيطلبش ضحك عليكي… الاهتمام بيطلب عادي …. ومش مره واحده لا كتييير … اكيد المحاوله هتكون احسن كتير من الاستسلام لحاجه مش عاجبكي More