in , , , ,

دليل المدارس الجزء التالت

نيجي بقي بعد ما عرفنا هنعمل ليستة المدارس المرشحة ازاي؟ نبدأ بقي نعرف اكتر عن الزيارة الميدانية ، يعني ايه ؟

يعني لما هنوصل لعدد مثلا ٣ مدارس من ١٠ دول الأقرب او اللي عايزة تقدمي فيهم بعد الحاجات اللي قلنا هناخدها في اعتبارنا ، نبدا بقي مرحلة الزيارة الميدانية طبعا بالإضافة للسيرش و الجروبات ، الا انك لما هتسالي علي مدرسة و آراء الناس فيها علي الجروبات هتلاقي الآراء مقسومة بين ٥٠٪ مبسوطين جداا و ٥٠٪ بيشتكوا مر الشكوي! 

في المرحلة دي لازم بقي تنزلي تشوفي المدرسة بنفسك ، و هنا بقي في اوبشن من ٣ : 

أولا : بتكلمي المدرسة و تعرفي لو في  orientation day  و لا لأ ؟ و امتي بيتعمل؟

ثانيا: لو مافيش يبقي لازم  تكلمي المدرسة عشان تحددي ميعاد تروحي تقابلي ال admission team  عشان تسألي كل أسئلتك

ثالثا: في مدارس بقي بتروحي عادي من غير ميعاد و لا حاجة 

طيب لما هتروحي المدرسة هتسألي علي ايه ؟

١-ال. Capacity  بتاعة ال class  يعني مثلا الكلاس اخره ٢٠ ، أو ٢٥ أو اخره ٣٠ و هكذا 

٢-طيب كل كلاس فيه ايه؟ في  teacher  و  co-teacher   ولا الكلاس فيه two teacher  و  co-teacher  

٣-ال  nannies  موجودين جوة الكلاس و لا برة الكلاس ؟ 

٤- المبني بتاع الكي جي و النيرسيري مبني منفصل و لا في نفس مبني  primary. 

 كل دي حاجات ليها علاقة بال  safety  بتاعة الأطفال و العدد بتاعهم كمان بيعكس ال  controlling  علي الأولاد عامل ازاي خصوصا في السن الصغير دة

٥-بعد كدة بنبدأ نشوف المناهج اللي المدرسة بتقدمها ، وفي المرحلة دي بنبدأ مرحلة المذاكرة ، يعني بنشوف المدارس اللي اخترتيها بتاخد مناهج ايه و بتبدأي تدوري علي جوجل عن المناهج دي و تقارني بينهم  عشان تعرفي الاحسن و اللي انتي عايزة ولادك يدرسوه!

٦-كمان حاجة مهمة نسأل عليها و هي اللغة التانية ، لازم تعرفي اللغة التانية المدرسة بتدخلها من امتي ؟ يعني في مدارس بتدخلها من كي جي ٢ و في مدارس بتدخله من برايمري!

العربي كمان ، في مدارس بتدخله من الترم التاني لكي جي تو و في مدارس بتدخله من برايمري، فاهمية اللغة العربية و اللغات التانية عندك هيبقي مهم في اختيارك المدرسة.

٧-في الزيارة الميدانية مهم اوي تروحي مرة تشوفي أولياء الأمور بنفسك ، يعني بتعرفي ميعاد خروج كي جي أو نيرسيري و تروحي تشوفي أولياء الأمور و تسأليهم عن المدرسة بشكل لطيف يساعدك تكوني الصورة ، وطبعا لو تعرفي حد ولاده في المدرسة بتبقي حاجة عظيمة لانهم بينقلوا لك الصورة أوضح بكتير 

بعد كل الخطوات اللي قلناها  بتقدري بسهولة تعملي ال. Shortlist  من المدارس اللي محتارة فيها ، و بتسهلي علي نفسك انك تقدمي في مدرستين أو تلاتة بدل ٥ ، و دة بيبقي عشان تعلي فرصة ابنك/بنتك انهم يتقبلوا خصوصا ان مواعيد الانترفيوهات ممكن جدا تبقي متباعدة ، فبتبقي عايزة تتاكدي ان السنة ماتضيعش عليهم، و انهم يتقبلوا علي الأقل في مدرسة من ال ٣ ال  shortlisted  و طبعا لو اتقبلوا في اكتر من مدرسة منهم بيبقي ليكي مطلق الحرية تختاري المفضلة اكتر ليكي.

موسم تقديمات المدارس بيبدأ من شهر ١٠ و بيوصل لحد شهر ٥ فتقدري من دلوقتي تبدأي رحلة البحث و المفاضلة عشان تبقي جاهزة، و دة طبعا جنب انك تدخلي ابنك/بنتك نيرسيري كويسة عشان يبقوا مؤهلين للانترفيو اللي في أوقات كتير بيبقي محتاج الأولاد يبقوا دكاترة صغيرين   و  very qualified   عشان بيزود فرصهم في القبول !

اتمني يكون دليل المدارس مفيد ليكم و يساعدكم تلاقوا المدرسة المناسبة، و تفرحوا بولادكم في اول يوم مدرسة ليهم في المدرسة اللي انتوا اختارتوها بعد بحث و دراسة مفيدين، حظ سعيد!  

بقلم نسمة مدحت

Nesma Medhat ُEntaleqi Chief Editor/Writer/Marketer/ Vlogger /Storyteller and Author for published books “إاللي إسمه إيه”& “أصل المثل

What do you think?

Written by Editor

Comments

Leave a Reply

Your email address will not be published. Required fields are marked *

Loading…

0

Comments

0 comments

دليل المدارس الجزء التاني

دقت طبول الحرب و المدارس هتبدأ …ها نروح فين ؟