in , , , ,

Alternatives of regular period pads

المشكلة اللي بتواجه كتير مننا و هي الحساسية اللي ممكن تحصل مع استخدام الفوط الصحية العادية وقت البيريود، وكمان في أوقات بتسبب ريحة مش لذيذة خالص، عشان كدة في المقالة دي هنقولكم علي مجموعة بدايل للفوط الصحية و كلهم بقوا متوفرين في مصر :

١-Menstrual Cup

ودة مصنوع من السيليكون الطبي و بياخد شكل الجرس  أو الكاس ، و له جزع بيساعد في عملية تركيبه و فكه ،و بيتركب في المهبل، بيجمع دم البيريود و بيتم تفريغه كل ٤-١٢ ساعة علي حسب كمية الدم.

في منه نوعين :

نوع بيستخدم مرة واحدة و دة بيتركب من بداية البيريود و بيتشال في اخرها و يتفضي و يترمي و مش بستخدمه تاني 

و النوع التاني ممكن نستخدمه اكتر من مرة عن طريق تطهيره و تعقيمه بالمياه المغلية

مهم اوي عند تفريغه غسله و تعقيمه كويس عشان مايجيبش أي عدوي .

من مميزاته انه مش بيعمل حساسية و لا احمرار الجلد و لا بيسبب ريحة مش لذيذة و مريح خصوصا وقت النوم،

 بس من عيوبه انه ممكن ياخد وقت في تركيبه و تثبيته بشكل سليم عشان مايعملش تسريب .

٢-period pantie

و دة بيبقي مكون من ٣ طبقات فامتصاصه بيكون عالي جدا و ممكن نغسله و نعيد استخدامه و في منه نوعين :

نوع ممكن نلبسه يوميا و دة بيمتص الافرازت اليومية و مش يدي أي ريحة مش حلوة

ونوع تاني سميك اكتر و بنلبسه في البيريود 

مميزاته انه رقيق علي البشرة و مش بيعمل حساسية زي الفوط الصحية و مش بيعمل روايح وحشة و سهل انه يتغسل و يستخدم كذا مرة

٣-Fabric Pads

ودي بتبقي معمولة ١٠٠٪ من القطن الصافي ، فبتكون ناعمة علي الجلد و برده ليها اجنحة بتتلف حوالين اللبس عشان التسريب ، اللطيف فيها انها صديقة للبيئة و مش بتعمل التهابات و موفرة و ممكن إعادة غسلها و لبسها، بس ممكن نحتاج نغيرها بشكل اسرع و اكتر في الأيام الاولي اللي بيبقي الدم فيها كتير

٤-Menstrual Sea Sponge

 دي بتكون اسفنجة جاية من قاع البحر و مافيهاش أي مواد صناعية و بتمتص دم البريود بشكل كبير جدا ، اللذيذ فيها انها مش بتسبب أي التهابات و صديقة للبيئة و ممكن غسلها و إعادة استخدامها، بس مهم اوي تنضيفها و غسلها كويس عشان متعملش عدوي بكتيرية

في بدايل كتيرة للفوط الصحية اللي ممكن تسبب لنا ضرر و التهابات ، خلينا نستخدم بدايل صحية و صديق للبيئة و قبل كل دة مش بتضرنا 

بقلم نسمة مدحت

Nesma Medhat ُEntaleqi Chief Editor/Writer/Marketer/ Vlogger /Storyteller and Author for published books “إاللي إسمه إيه”& “أصل المثل

What do you think?

Written by Editor

Comments

Leave a Reply

Your email address will not be published. Required fields are marked *

Loading…

0

Comments

0 comments

امتي هنبطل نتخانق؟

ازاي تزودي دخلك؟