in , , , ,

اعرفي شخصيتك من الوان الموضة الصيف دة

 خلصنا رمضان و العيد و الامتحانات هتخلص و عايزين نستعد للصيف بقي .. و الصيف السنة دي شكله مختلف وهنشوف حاجات حلوه كتير بالذات في الألوان، الموسم ده الالوان فيه كتير و كلها حلوه وهنا اختارنا اكتر ٦ الوان موضة الصيف ده و هنقولك شخصيتك من اللون اللي هتختاريه

أولا،

لو أنتي شخصية جريئة و مختلفة و مابتخافيش من التغيير و في نفس الوقت متفائلة و مليانة طاقة و حيوية ، يبقي اكيد هتروحي لالوان النيون!

رقم واحد هي الوان النيون كلها الوان النيون ، درجاتها صارخة و جاذبة للانتباه جدا ، و بتعبر عن الثقة في النفس و الطاقة و الانفتاح علي التغيير 

ثانيا،

لو انتي شخصية عفوية، متفائلة و بتحبي تنجزي و نشيطة فلونك السنة دي هو اللون الاصفر !

اللون الأصفر هو رقم ٢ السنة دي في الصيف!

 الاصفر بدرجاته لكن بالذات  الأصفر الصريح، 

في العموم اللون الاصفر دايما بيدي احساس بالطاقة، الحيوية، الامل و الدفئ لانه من  الوان الشمس..

ثالثا ،

لو انت من الشخصيات اللي بتحب الالوان ودايما بتحاول تكون ايجابية و اجتماعية فاللون البرتقالي هيناسبك الموسم ده!

موسم الصيف دة رقم ٣ في الوانه هو البرتقالي!

 البرتقالي برضه من الوان الشمس و من  الالوان اللي ابتدت من الشتاء السنة دي و مكملة معانا للصيف .. و هو شبه الاصفر في دلالته لانه برضه بيدي احساس بالطاقة والدفئ، لكن كمان بيعبر عن الحماس والسعادة و اجرأ من اللون الاصفر.. 

رابعا،

لو انتي من الشخصيات الجريئة ومبتتوتريش بسهولة، الاحمر اكتر لون هيناسب شخصيتك!

اللون الرابع الصيف دة هو الأحمر! 

الاحمر الصريح والغامق والفاتح كله موضة السنة دي، الاحمر من الالوان الجريئة والقوية،واي حد بيلبسه دايما بيلفت النظر لانه من الالوان اللي بتجذب الانتباه جدا وبيدي احساس بالقوة والشجاعة والثقة بالنفس ..

خامسا،

لو انتي من الشخصيات الرقيقة و الطموحة و النشيطة في نفس الوقت ، فاللون الاخضر هو لونك اللي بيعبر عن شخصيتك!

اللون الخامس هو الأخضر!

الاخضر الغامق من الالوان اللي ظهرت الشتاء ده و مكملة معانا في الصيف، و هو من الالوان اللي بتدي شعور بالنجاح، الطموح، الرقة .. 

 سادسا،

لو انتي من الشخصيات  الرقيقة و بتحبي الالوان الناعمة و الهادية فالسنة دي اللون الوردي لازم يبقي في دولابكم لانه أكتر حاجة هتعبر عن شخصيتك.

سادس لون هو الوردي 

اللون الروز او الوردي  زي ما في ناس بتحب تسيمه من الالوان الدارجة اوي الصيف ده بالذات في الفساتين، اللون ده من الالوان الناعمة بتدي احساس بالرقة، الانسجام والهدوء والفرح .. 

طبعا كل الألوان دي جنب الألوان اللي بنسميهم جوكر و هما الأبيض و الأسود، و اللي ديما موضة!

في الصيف دة أختاري الألوان اللي تناسب شخصيتك و تحسسك بطاقة و انطلاقة الصيف !

Nour Beshara Passionate Writer

What do you think?

Written by Editor

Comments

Leave a Reply

Your email address will not be published. Required fields are marked *

Loading…

0

Comments

0 comments

ابني بلطجي اه…ما هو راااجل .. بس مش مريض محتاجة مساعدة

هي ايه مبادرة خليها في البيت؟