Yes, We can do both!

من ال trends  اللي ظهرت مؤخراً بين البنات على السوشيال ميديا و بتفرحني جداً .. لما بنت جميلة بتنزل صورتها وهي متبهدلة و شقيانة و صورة تانية ليها و هي بكامل أناقتها و جمالها و تكتب I can do both!

ممكن تبقى صورة ليها في الشغل و صورة تانية  في حفلة .. صورة في البيت مع الاولاد و صورة مع صحابها في خروجة حلوة .. 

أي صورة و هي بتكافح و صورة تانية و هي بكامل أنوثتها و متدلعة 😊

الناس كلها بتنبهر بالأمثلة دي .. بس هل فعلاً We can do both  بنفس الكفاءة؟ هل فعلاًWe can do both من غير أي تضحيات و من غير ما ندفع ثمن؟

الحقيقة ان الست بطبيعتها multi task person و تقدر تتحمل كم كبير من الألم النفسي و الجسدي،  ده غير انها بتعشق التفاصيل و بتحب كل حاجة تبقى perfect و بتهتم بنفسها و بأنوثتها .. دي طبيعتها. عشان كدة احنا فعلاً نقدر ننجح في أكتر من حاجة و في كذا جانب من الحياة. لكن من وجهة نظري و من واقع خبرتي و من الأمثلة اللي بشوفها حواليا فالنجاح ده نسبي و بيعتمد على حاجات كتير اوي:

• مافيش ست هاتنجح في كل جوانب حياتها لو هي مش واثقة في نفسها .. لو مش واثقة في نفسك مش هاتثقي في قدراتك ولا انك قادرة تنجحي و تلمعي في كل مكان انتي فيه.
• وجود دافع للنجاح .. لو بتحبي شغلك و بيحققلك الطموح و الشغف هاتنجحي فيه، و لو بتحبي بيتك و مرتاحة فيه هاتبقي ست بيت شاطرة و أم عظيمة.
• السند .. لو فيه في حياتك سند من أب أو أم مؤمنين بيكي و بقدراتك و بيدعموكي، أو زوج عايزك ناجحة في شغلك و مرتاحة و مبسوطة في بيتك، أو أهل و صحاب و أخوات بيشجعوكي و بيقفوا جنبك في كل ظروفك و حالاتك .. هاتنجحي بكل ثقة. 
• مافيش حد بيقدر ينجح و يحقق حاجات كتير في حياته لو هو مش flexible و ماعندوش استعداد لل compromising .. فماتحاوليش تطمحي للمثالية دايماً في كل حاجة عشان ماتُحبطيش و تقدري تكملي.
• لازم تبقي صبورة ونفسك طويل و باصة دايماً على الصورة الأكبر و ماتستعجليش النجاح ولا تستتقلي التعب.. عشان مافيش حاجة حلوة بتيجي بالساهل ومالهاش ثمن.

يعني

 الست اللي ب 100 راجل .. والست اللي وراء كل رجل عظيم .. وكل الستات اللي في حياتنا اللي ناجحة برة و جوة سر نجاحهم بيتلخص في “الثقة بالنفس – الدافع – السند – الارادة – المرونة” و ده اللي بيخلينا مش بس Can do both .. لا داحنا Can do a lot!