in Career & Self Development, Self Development, Tips

ازاي أغير شغلي و ابدأ شغل جديد ؟ وايه أحسن الكورسات اللي ممكن تساعدني ؟

by Editor March 15, 2022, 5:24 pm 2k Views

كتير مننا بعد شوية وقت في شغلهم فجأة بيكتشفوا إنه مش ده اللي عايزين يكملوا فيه، أو لظروف ما جديدة عليهم لازم يبدأوا يغيروا لشغل تاني يناسب ظروفهم الجديدة، و في اللي مش بيلاقي نفسه في الشغلانة اللي بيشتغلها أصلا ، يعني بيحس إنه ده مش مكانه، مش شغفه ، مش هو دة اللي عايز يشتغل و يبدع فيه،

طبعا قرار إنك تسيبي شغلك و تبدأي في مجال جديد مش حاجة سهلة اوي بس برده مش مستحيلة و لا صعبة آوي!

و في اللي بتبقي عمرها ما أشتغلت و بعدين بتقرر في مرحلة ما في حياتها إنها عايزة تبدأ تشتغل و تستقل ماديا و تحقق نفسها في حاجة بتحبها ، برده الموضوع مش مستحيل ، هو أصلا مافيش مستحيل!

ولإني شخصيا عديت بالتجربة دي ، و الظروف خلتني أغير شغلي و كاريري قبل كدة و بدأت من الصفر في شغل جديد ففي كام حاجة ركزي فيهم لما تاخدي قرار إنك تغيري شغلك لشغل جديد أو تبدأي من الصفر أصلا في شغل :

١-محدش كبير علي التعليم ،

بمعني إنه إنتي لو كنتي في مجال قبل كدة و عندك خبرة كبيرة فيه ، فده مش معناه إنك هتبقي خبيرة في المجال الجديد من أول يوم،

اه أكيد الخبرة بتفرق في حاجات ، بس في حاجات تانية كتييير هتتعلميها في المجال الجديد من الصفر ، فمتتكسفيش خالص إنك تتعلمي من الخبراء في المجال الجديد ، حتي لو كانوا أصغر منك بكتير، و ماتتكسفيش ابدا تسألي مرة و اتنين و تلاتة، مش عيب إنك تبقي عايزة تتعلمي حاجة جديدة بالعكس ده بيقول اد ايه إنتي فعلا مهتمة تحققي نفسك في المجال الجديد

٢-خلي طموحك يلمس السما،

خليكي طموحة إنك تحققي أكتر من اللي بتحلمي بيه في المجال الجديد، خلي طموحك إنك ديما تجيبي سقف الشغل اللي بتعمليه ، عشان نفسك أولا، خلي ليكي بصمة في أي مجال تدخليه بانك طول الوقت تطوري من نفسك لحد ما تبقي انتي اللي بيتعلموا منها

٣-دوري ديما علي الجديد،

حاولي ديما جنب إنك بتتعلمي من شغلك، إنك كمان تطوري نفسك فيه ، بانك تدوري علي الجديد في المجال ده في العالم كله، اخر الاختراعات و الترندات عنه ايه و تبدأي تطبيقها و تستخدميها في شغلك، تبدأي تاخدي كورسات تساعدك حتي لو اونلاين ، و ماتتكسفيش ابدا انك تقترحي أفكار جديدة لانه ممكن جدا يتوافق عليها و تبقي بتضيفي فعلا لشغلك، وممكن كمان لو في حاجة انتي مش واخده بالك منها يشرحوهالك إنه مثلا مش هينفع عشان كذا و كذا و كذا، و ده بيوسع نظرتك للتفاصيل فيما بعد.

طيب خلينا بقي نتكلم عن الناس اللي حاسيين انهم لا ينتموا لشغلناتهم الحالية و مش عارفين أصلا هما ممكن يبدأوا يشتغلوا في ايه، أو اللي لسه مش عارفين شغفهم ايه، هقولكم زي ايه، فاكرين في “فريندز” لما تشاندلر قرر يسيب شغله و ماكانش عارف أصلا هو شغفه ايه ، أو عايز يبدأ في ايه؟ ساعتها مونيكا عملت له ليسته بانواع الشغل المختلفة عشان تخليه يبدأ يفكر ايه بالظبط اللي بيحبه و عايز يشتغله؟

هنعمل كده بقي دلوقتي هقولكم أهم الكورسات في مجالات مختلفة و اللي انتوا بنفسكم كتبتوها، و اللي ممكن تساعدك لو بتدوري أصلا في مجال معين و مش عارفة تاخدي ايه عشان تبدأي، أو هتساعدك تعرفي شغل مختلف ممكن تلاقي حاجة فيهم أنتي مهتمة تدريسها و تشتغليها،

١-Career Counselling Sessions ودة بيساعدك تعرفي الشغل اللي انتي فيه مناسب ليكي و لا لا

٢-TESOL ودة بيتاخد لتدريس اللغة الإنجليزية

٣-TAFL و دة لتدريس العربي للأجانب

٤- Life Coaching

٥- Relationship Coaching

٦- French- Institute Francais

٧-German- Goethe Institute

٨- APG (accessing personal genius)

٩- Enneagram

١٠-MBA

١١-Montessori Diploma

١٢-MSTTC