in , , ,

حاجات مهمة مخدناهاش في المدرسة

  المدارس قربت والجو ريحته بقيت كراسات وكتب والوان رسم  وواجب دراسات بعد الظهر.. ايام المدرسة لذيذة  و كنا انا و انت لا نحمل هماً بس لما  كبرنا اكتشفنا حاجات كتير كنا محتاجين نتعلمها  ومبتتخدش في المدرسة. بس بما ان هي فعلا حاجات ملهاش منهج او كاتالوج و لسه المجتمع بصفة عامة بيبتدي يحس باهميتها، فا هنا هنوقلك علي الل وصلناه له لحد دلوقتي. 

-كلمة لا: 

 في الحقيقة اه احنا محتاجين نتعلم كلمة لا، مش الكلمة لا فكرة اننا نقولها وامتى المفروض نقولها. في المدرسة اشطر واحد اللي بيسمع الكلام على طول بس في دنيا بعد كده اشطر واحد وهو اللي بيعرف امتي يقول ” لأ”، لان استحالة تبقي بني ادم موافق على كل حاجة كل الاوضاع مريحاكي كل الافكار والأراء مناسبيناك و كل اللي بيحصل متوافق مع الطريقة اللي انت شايفة بيها نفسك وحياتك .. عاشن كده مهم تقولي لا و من حقك تقوليها لاي حاجة او وضع انت مش شايفة بيفيدك او مريحك. 

-فن اختيار الناس: 

 اختيار الناس فن زي الهدايا بالضبط و يمكن ده مبنفهموش و احنا لسه في سن المدرسة لكن بعدين  لما بنكبر و يبتدي يبقي عندنا اهداف واحلام وخطط بنتصدم ان مش كل الناس اللي في حياتنا  قادرين يواكبوا ده او يقدموا لنا الدعم اللي محتاجينه او يساعدونا نتطور وهم كمان يتطوروا معانا. ولان  مهما كابرنا بس احنا لازم هنتاثر بالناس اللي حوالينا و هم لازم هيأثرو على حياتنا عشان كده مهم اوي يبقيوا ناس حقيقين و صادقين بيحبونا فعلا في بينا تفاهم و تاثيرهم علينا دايما تاثير ايجابي. 

-التقبل والمرونة:

وهنا بصراحة مش بس المدرسة مش بتعلمهولنا هو اصلا ثقافة التقبل والمرونة في مجتمعنا تقريبا مش موجودة ولسه حاجة جديدة،  لكن لما بنكبر بنلاقي اننا محتاجين يبقي عندنا مرونة وقبول عشان نقدر نستوعب اي حاجة مختلفة عننا ونتعامل معاها سواء بني ادمين او افكار ودي حاجات بتاخد وقت عشان نتعلمها وننميها جوانا.  ده غير انهم مهمين جدا عشان نقدر نحافظ على سلامنا النفسي لانهم بيساعدونا  نتأقلم على التغييرات والاحداث الكتير اللي بنواجهها في حياتنا. 

-وقتك لوحدك:

في المدرسة مكانش بيبقى عندنا فرصة نبقي لوحدنا واصلا مكانش بيبقى عندنا الفكرة دي ولا تقبل ليها. بس لما بنكبر بنلاقي اننا في وقت كبير اوي بنقديه لوحدنا و مش دايما صحابنا او اهلنا هيبقوا موجودين طول الوقت و بنكتشف ان في وقت لازم هنقضيه مع نفسنا من غير اي حد خالص. من بعيد الفكرة لكتير مننا بالذات مش متعودين عليها تبان سخيفة او مملة او حتي حزينة لان اصلا متعلمناش ازاي نقضي وقت مع نفسنا وايه الحاجات اللي ممكن نعملها في الوقت ده. الموضوع بسيط جدا الحاجات اللي ممكن تملها لوحدك هيهي اللي ممكن تعمليها مع اي حد و بالعكس مع الوقت هتتعودي وهتتبسطي بالوقت ده جدا و كمان  انتت الي هتبقي بتعمل ليه مكان في يومك. الوقت اللي بتقضيه لوحدك هو ده اللي بيساعدك  انك تعرفي نفسك اكتر وتصاحبيها  والبني ادم المرتاح والهادي هو البني ادم اللي عارف نفسه وفاهمها ومتقبلها.

-العلاقات:

محدش اتكلم معانا في الموضوع ده في المدرسة ولا العلاقات مش الجواز ولا مش الحب بس عامة ازاي نعمل علاقات مع الناس وازاي نبنيها، العلاقات بأنواعها المختلفة ليها معايير وصفات لازم تبقي موجودة لو ناويين نعمل علاقات حقيقية وقوية وصحية في حياتنا سواء حب، شغل، صحاب، ولاد، جواز. فالحاجات اللي محتاجين نبقي عرفينها من واحنا صغيرين وندورعليها هي الاحترام المتبادل، التفاهم، التوافق، المرونة، الانفتاح، الطيبة، اللين، تحمل المسؤولية، الالتزام ، مساحة للكلام والسمع، الحب. 

واخيرا هي كلها حاجات بننميها علي مدار حياتنا  لكن مهم اوي اننا نبقي عندنا وعي بيها من سن صغير لانها بتفرق اوي معانا في الطريقة اللي بنشوف بيها حياتنا.

Nour Beshara

Passionate Writer

What do you think?

Written by Editor

Comments

Leave a Reply

Your email address will not be published. Required fields are marked *

Loading…

0

Comments

0 comments

لو اول سنة جامعة ، هتبقي مين في دول ؟

٥ مؤثرين غيروا حياتي وأضافوا ليها قيمة