in , ,

٦ أنواع من مزيلات العرق إللى أكيد هتغير حياتك

سواء كان الجو حر أو برد، فيه ناس طبيعة جسمها إنها بتعرق كتير وده بيسببلهم إزعاج كبير أوي في حياتهم اليومية وفي تعاملاتهم مع الأخرين، وأحيانًا الموضوع بيتطور إنهم بيفقدوا الثقة في نفسهم.

فيه علاقة وثيقة جدًا على المستوى النفسي بين مزيلات العرق والثقة بالنفس، وده إللى أثبتته دراسه سنة ٢٠١٦ نشرتها الجمعية الألمانية لمستحضرات التجميل وأدوات الزينة والعطور، إن الشخص لما تكون رائحته منعشه وإستثنائية هيبقى واثق في نفسه وفي أدائه.

وعلشان كده مهم أوي إنك تبدأي تختاري نوع مزيل العرق المناسب ليكي ولبشرتك، وعشان نوفر عليكي حيرة الوقوف في ممرات السوبرماركت، مش عارفة تختاري أي نوع مزيل للعرق، عملنا مؤخرًا بوست على الجروب وسألنا السيدات عن أحسن نوع مزيل عرق بيستخدموه؟ وكان في إجماع على بعض الماركات بعينها إللى عملنالك بيها قائمه هنا عشان ولا تحتاري ولا تقلقي من رائحة التعرق.

1- Vichy

من أكتر الماركات إللي حصل عليها إجماع كبير أوي من السيدات! مزيل العرق من فيشي فيه منه منتجات كتير لكل أنواع البشرة واللي بيوفرلك حماية من رائحة العرق طول اليوم حتى لو كنتي من النوع اللي بيتحرك كتير.

2- Beesline

نوع أخر من مزيلات العرق أجمعت عليه الكتير من السيدات وهو بيزلين، مزيل عرق مبتكر وآمن وعالي الفعالية ومضاد للتعرق لمدة ٤٨ ساعة وبيحارب رائحة الجسم وبيمتص الرطوبة وكمان بيساعد في تفتيح منطقة الإبط.

3- Starville

لما يكون مزيل العرق مش بس بيخلصك من الرائحة، لكن كمان بيعالج مشاكل إسمرار البشرة تحت الإبط، يبقى ده منتج لاغنى عنه. مزيل العرق من ستارفيل بيعمل كل ده وكمان بيديكي الحماية إللى إنتي عايزاها لمدة 24 ساعة.

4- Secret

بتركيبة فريدة ومتوازنة واللي بتتوافق مع الكيمياء الطبيعية لجسمك، يوفر مضاد التعرق الأصلي من سيكريت حماية فعاله جدًا من العرق على مدار ٢٤ ساعة وتقدري تعتمدي عليه يوم بعد يوم.

5- Uriage

المميز في مزيل العرق من يورياج إنه مصنوع بدون ملح كلوروهيدرات الألومنيوم، وإللي بيوفر لمسة حقيقية من النعومة والفعالية المضادة لرائحة العرق لمدة ٢٤ ساعة.

6- Dove

اللذيذ في مزيل العرق من دوف إنه خالي من الكحول والألمنيوم، وكمان فيه خواص كريم الترطيب وده بيخليه إختيار مثالي عشان تحسي بالانتعاش والحماية طوال اليوم.

على الرغم من إن في ناس بيشوفوا مزيل العرق ده من الكماليات إلا إنه منتج مهم أوي، أه، هو مش هيمنع العرق نهائي لأن ديه بتبقى طبيعة جسم، ولكن هيقضي على البكتريا اللي بتظهر من تراكم العرق على البشرة واللي بتعمل ريحة مش حلوة مع العرق . فأنتعشي و خلي جسمك و بشرتك تتنفس من غير قلق من الريحة بعد كدة  🙂

Hend Ismail Passionate Writer

What do you think?

Written by Editor

Comments

Leave a Reply

Your email address will not be published. Required fields are marked *

Loading…

0

Comments

0 comments

Have you watched Sex, Love & Goop?

5 Applications That made your life easier!