in , ,

أماكن تشتري منها منتجات مصرية يدوية قيمة

طبعا مع ارتفاع الأسعار و مشاكل الاستيراد اللي بقالها فترة أدت لنا فرصة نشوف حاجتنا الحلوة، و ظهرت كمية منتجات مصرية و معمولة يدويا كتير جدا ، ووعينا بأهمية و قيمة الحاجات دي عمال يكبر !

عشان كدة في المقالة دي هنقولكم علي ٣ أماكن مهمين بيجمعوا مجموعة من المنتجات المصرية المعمولة يدويا من محافظات مختلفة، و معظم المنتجين ستات سواء في القاهرة او في باقي محافظات مصر، واشغالهم اليدوية بجد جودتها عالية جدا و بتنافس بقوة المنتجات المستوردة، و معظم اللي بيشتروا المنتجات دي لسخرية القدر أجانب! يعني احنا بنروح نشتري منهم و هما بيجوا يشتروا حاجتنا !

فالاولي في الظروف اللي احنا فيها اننا نشجع ستات و رجالة بلدنا اللي بينتجوا حاجات بجد تجنن و أسعارها معقولة جدا مقارنة بأسعار البرندات المستوردة، فالشراء من الأماكن دي بيديكي فايدتين :

اولهم انك هتاخدي منتجات معمولة يدويا يعني قطع فنية قيمتها عالية و جودتها هايلة و مش هتلاقي منهم نسخ تانية لانه بالكتير الموديل بيطلع منه قطعة او اتنين و بيبقي متفرد لان بني ادمين اللي بيعملوه مش آلات

وتاني حاجة انك بتساعدي اُسر منتجة علي انه يبقي ليهم دخل عادل نظير موهبتهم و مجهودهم و شغلهم الحلوو بتساعدي انك تحافظي علي تراث بلدك و تنقذي حرف اصيلة من انها تختفي من مصر !

الأماكن هما :

١-Fair Trade Egypt 

 ودة موجود من اكتر من ٢٠ سنة و بتمويل ذاتي بيسلعد اكتر من ٢٠٠٠ حرفي في تسويق منتجاتهم برة مصر و جوة مصر

https://www.instagram.com/fairtradeegypt/?hl=en

https://www.facebook.com/fairtradeegypt/ 

-تكية مسافر 

تكية مسافر من الأماكن المهتمة بالثقافة و اللي بقالها سنتين و عاملين معرض دائم علي مدار السنة لمنتجات مصرية يدوية من محافظات مختلفة و كمان بيعملوا معرض شهري ، اللي بيميز التكية موقعها جنب جامع الرفاعي و الvibes   الاصيلة اللي في المكان https://www.facebook.com/TakiyyatMusafir https://www.instagram.com/takiyyatmusafir/

تالت مكان هو مؤسسة زهروان 

هي مؤسسة تنموية غير هادفة للربح ، و فيها كمان بيتباع منتجات مصرية يدوية بيعملها ستات و طلبة جامعة و غيرهم، و ليهم ٣ فروع

https://alzahrawan.org https://www.facebook.com/alzahrawan.org/ https://www.instagram.com/alzahrawanorg/?fbclid=IwAR0QV4fWW7NwobuXjicbRc7misAlrVYnVffCRjIjGjs6jMkzuF0NfXfGhZ4 

نتمني انكم تشجعوا منتجات بلدنا الحلوة القيمة و كمان هتبقوا بتشجعوا الاسر العاملة المنتجة !

بقلم نسمة مدحت Nesma Medhat ُEntaleqi Chief Editor/Writer/Marketer/ Vlogger /Storyteller and Author for published books “إاللي إسمه إيه”& “أصل المثل

What do you think?

Written by Editor

Comments

Leave a Reply

Your email address will not be published. Required fields are marked *

Loading…

0

Comments

0 comments

الذ ٥ اكلات في الجو اللي بدأ يسقع دة

أغاني بيفكرونا بشتا التسعينات