in , , , ,

ازاي ممكن تكون علاقتك بالشخص اللي مرتبطه بيه علاقه بلاستيك ؟

العلاقه البلاستيك هي علاقه في نوع من التمثيل ، وكلنا عندنا ناس او نعرف ناس زي ما بيقولوا عليهم “بلاستيك ” يعني مش علي طبيعتهم او بيمثلواحقيقية مش حقيقتهم!

ازاي ممكن تكون علاقتك بالشخص اللي مرتبطه بيه علاقه بلاستيك ؟!

– لو بتكتمي مشاعرك جواكي الايجابيه او السلبيه ، يعني لو في حاجات بتضايقك مثلا من الطرف التاني ومش بتعبري عنها وتكتميها جواكي ، او لوفي كلام نفسك تقوليه وخايفه من رد فعله ، او لو عندك مشاعر ايجابيه مش بتعبري عنها عشان هو مش رومانسي مثلا او ممكن يكسفك او ..او..

– لو اهم حاجه عندك هو شكل العلاقه قدام الناس اكتر من مضمون العلاقه فعلا ، هل فعلا انتوا مرتاحين مع بعض ؟ تقدروا تقيموا علاقتكوا انهاعلاقه ناجحة ؟ هل في احساس بالثقه او الامان في العلاقه دي ؟

– لو طرف من الطرفين مهتم ياخد بس ويلبي احتياجاته هوه فقط ومش مهتم يدي الطرف التاني اللي هو محتاجه ، هل العلاقه دي اخد وعطا ؟ ولا اخد بس؟

نعمل ايه لو ده الوضع الحالي ؟

١- لازم يكون عندك الرغبه الحقيقة في التغيير ، التغيير مش سهل بس يستاهل التعب ، لان كده كده لو مفيش تغيير بارادتك هيحصل التغيير بردهغصب عنك بس ساعتها مش هتكوني مبسوطه بيه 

٢- ابدأي اكتبي ايه الحاجات اللي نفسك تقوليها للطرف التاني ( سواء ايجابيه او سلبيه ) وايه الاسباب اللي بتمنعك من انك تقوليها 

٣- شوفي الاسباب اللي بتمنعك دي خاصه بيكي ولا خاصه بالطرف التاني 

٤- لو الاسباب خاصه بيكي شوفي ايه اسهل حاجه ممكن تعمليها من غير ما يكون عندك اعتراض ، يعني حاجه سهله وبسيطه وصغيره زي مثلا انيممكن اقوله كلمه حلوه علي حاجه هو عملهالك .. تعملي اكله بيحبها وتقولي له انا عملتها علشانك ….

٥- ابداي اتعلمي طرق التواصل الصحيحة هتحللك مشاكل كتير وتخليكي تتفادي مشاكل كتير في المستقبل 

٦- اتكلمي مع جوزك في انكوا تقعدوا مع بعض ولو حتي مره واحده في الشهر ، تتكلموا عن علاقتكوا ازاي تبقي احسن ، ايه اللي هو متوقعه منكوايه اللي انتي متوقعاه منه ، بس من غير اي هجوم

لو بتعملي تصرفات مش بتكوني فيها علي طبيعتك ، ابداي اشتغلي علي انك تغيري ده واحده واحده وشوفي قد ايه ده هيفرق معاكي 

العلاقات البلاستيك مش بتكمل كتير ، لان بعد شويه الحقيقه بتبان وبيبقي صعب الاستمرار في التمثيل! ‏

Asma Shehab

Relationship coach & Neuro-Semantics Trainer

What do you think?

Written by Editor

Comments

Leave a Reply

Your email address will not be published. Required fields are marked *

Loading…

0

Comments

0 comments

هي الرجالة بتخاف من الوضوح؟

خمس حاجات بتفكرنا بالتسعينات