لو مش سعيده في جوازك اعرفي السبب

من اشهر الاخطاء اللي بتسبب مشاكل كتيره في العلاقات هي ان كل واحد مش شايل شيلته

كل طرف بيرمي علي التاني مسؤوليات بس المسؤليات اللي اقصدها هنا مش مسؤليات البيت والاولاد والحياه لا المقصود مسوولية انك تكونيسعيده 

كل طرف رامي علي التاني ان الشخص ده دوره انه يخليني سعيد !! 

يعني هو المسئول علي اني اكون سعيده في الجوازه دي ، فتصرفاته لازم تحققلي السعاده ، وانا عمري ما هكون مبسوطه لوحدي 

الفكره دي لوحدها كفيله انها تخليكي تعيسه طول عمرك

فمثلا لو انتي قاعده منتظره ان جوزك يتغير ويتحول شخص رومانسي ويحبك بطريقتك او يتحول ويبقي شخص مسؤل بيساعدك وبيشيل مسؤوليةاكتر او يتحول ويبقي مهتم بيكي اكتر وبيقضي معاكي وقت اطول او يصرف اكتر … ايا كان الحاجه اللي منتظراها عشان تكوني سعيده وشايفه انده دوره اللي لازم يعمله ومن غير ده سعادتك مش هتكمل ، فالاسف انتي مستنيه حاجه مش هتحصل 

وده مش غلط عنده او عندك ، كل واحد ليه طبيعه مختلفه وبيتصرف علي الاساس ده ومش دور حد ان يفهم لوحده ايه اللي بيسعدك ويغير من نفسه ويعمله

فالاول حاجه تعمليها ان تخلي سعادتك دي مسؤوليتك الشخصيه ومش دور اي حد تاني غيرك ومتخليش كل حاجه بتسعدك يكون ليها علاقه به ،يعني مثلا خلي عندك هوايه بتحبي تعمليها ، رياضه بتحبي تمارسيها ، اصحاب بتحبي تخرجي معاهم وتنبسطي ، زيارات عائليه او انشطه بتعملهامع عيلتك

، خلي عندك مصدر دخل حتي لو صغير تجبي منه حاجه بتحبيها ، اهتمي بجسمك وشكلك ، ده هيزود ثقتك بنفسك ويحسن حالتك النفسيه

اهتمي بالاكل الصحي ، اللي يكون خفيف علي جسمك ويديكي طاقه بدل ما تحسي انك طول الوقت مش قادره تتحركي وحاسه بكسل … ده يخليكيتاكلي اكتر وتتضايقي اكتر

اصحي بدري عشان تستفيدي بالوقت اللي جسمك في بيكون في اقوي طاقه ليه ، بدل ما الطاقة دي تروح وانتي نايمه وتقضي باقي اليوم بطاقه قليله

ابداي شوفي ايه المسئوليات اللي شايفه انها تقيله عليكي وشوفي حلول ازاي تخفيفها ، مش لازم كل حاجه تبقي perfect ، اعملي اللي تقدريعليه وبس 

بعد كل ده ، شوفي ايه الحاجات اللي بتسعدك مع جوزك وشوفي ايه الطرق اللي تنفيذها بيها ، يعني لو مثلا لو من الحاجات اللي بتبسطك انكتقعدي تتكلمي مع جوزك مثلا او انكوا تخرجوا مع بعض ، ابداي فكري ازاي تاخدي خطوات جديه عشان تنفذي الخطوه دي وجربي معاه مرهواتنين وتلاته وعشره من غير زهق و من غير ما تستني الطرف التاني هو اللي يحاول

خدي خطوه من دلوقتي عشان متفضليش مأجله سعادتك العمر كله مستنيه قرار وتصرفات مش هتحصل

سعادتك مسئوليتك مش مسئولية حد تاني