وصفات اكل لذيذة

الاكل ووصفاته حب لا ينتهي، في المقالة دي هنديكم وصفات لذيذة و سهلة تديكي أفكار لأكلات في مطبخك .

Chicken butter sauce recipe 

By Nora Zidan 

المقادير:

-كيلو صدور بانيه متقطعة تخين

-زبدة

-زيت

لتتبيلة الفراخ:

-م.ك جرام مسلة

-م.ك بابريكا

-م.ك ملح

-م.ص فلفل

-م.ص جنزبيل باودر 

-ثوم

-علبة زبادي 

مقادير الصوص:

٦طماطم متوسطة مضروبة في الكبة

-بصلة كبيرة مفرومة

-ثوم مفروم

-م.ك جرام مسلة

-م.ك بابريكا

-م.ص كاري

-م.ص ملح

٢كوب مياه ساخنة

٢٥٠مل كريمة طهي

الطريقة 

-نضع التوابل و الزبادي و الثوم علي الفراخ و نسيبهم ساعة يتبلوا كويس

-في صنية كبيرة هنحط قطعة زبدة كبيرة و زيت و نسخن الصنية كويس و ننزل الفراخ تتحمر من علي كل جنب كويس لأن ده هيكون سواها الاصلي

-بعد ما تاخد لون و تستوي هنشيلها علي جنب و في نفس الصنية هنبدأ نحضر الصوص

-هنحط قطعة زبدة كبيرة و زيت و ننزل بالبصل يتحمر لحد ما ياخد لون دهبي و ننزل معاه بالثوم ياخد تشويحة و ننزل الطماطم و التوابل و نزود كوبايتين مياه و نسيبهم ياخدوا غلوة لمدة ربع ساعة

-نجيب الهاند بليندر او خلاط و نضرب الصوص لحد ما يبقي ناعم خالص و ننزل فيه الفراخ

-نسيبهم علي نار هادية ١٠ دقايق و نزودلهم قطعة زبدة علي الوش و نسيبها تسيح براحتها

-بعد ١٠ دقايق نطفي و نزود كريمة الطهي كده نقدر نقدمها و بألف هناو تقدري تشوفي الوصفة من هنا

https://www.instagram.com/reel/Cc0LT4koibG/?igshid=NjY2NjE5MzQ=–

 

Chicken quesadilla 

By Kareema Ahmed Refaey

هنعملها باسهل و اسرع طريقة و طعمها خطير 

الطريقة:

هشوح بصلة صغيرة مع مكعب زبدة و ٢ فص ثوم مفروم يدبلو انزل بالفراخ تتشوح معهم و عليها التوابل(ملح-فلفل اسود-زعتر-بابريكا-سبع بهارات) و نقلب كويس و نزود شوية ماية مغلية الفراخ تستوى انزل بالفلفل الالوان و اشوحه مع الفراخ كويس و بس كدة هشيل الميكس دة فى طبق برة و فى نفس الطاسة انزل بعيش التورتيلا ياخد لون على وشين و انزل بالحشو بتاعى و عليه ميكس تشيز و اقفلو و بالهنا و الشفاو اقدمها مع صور كريم و سويت كورن او فرايز

و ممكن تشوفي الوصفة من هنا 

https://www.instagram.com/reel/CcvC5sMgqeE/?igshid=NjY2NjE5MzQ=

فتة الباذنجان

By Soad el Shazly 

المكونات:

نص كيلو لحمة مفرومة

نص كيلو باذنجان مقطع مكعبات

عيش لبنانى

ملح و فلفل

زيت

بصل مفروم 

دبس رمان

صلصة 

ورق لورا 

الصوص:

٢علبة زبادى

ملح و فلفل

معلقة خل

ثوم مفروم

ليمون

الطريقة:

-اول حاجة قلى مكعبات البذنجان و العيش

-فى طاسة على نار عالية معلقة زيت و بصل مفروم و ملح و فلفل و ورق لورا بعدين اضافة اللحمة 

-يقلب حتى تغير لون اللحمة و استور فى التقليب لمدة ٧ دقائق 

-اضافة ٢ معلقة صلصة و تقلب بعدين ١/٢ كوب ماء سخن

-اوطى النار و اسيبه يستوى و اضيف معلقة دبس رمان

-اضافة البذنجان على الصلصة و تقلب 

-فى بولة اضافة مكونات الصوص

-فى طبق اضافة العيش و اللحمة و الصوص و ممكن رمان فريش و سماق و بقدونس

و ممكن تشوفي الوصفة من هنا 

https://www.instagram.com/reel/Ccp8pSrAuRw/?igshid=NjY2NjE5MzQ=

هتعمل أحلى اكله سى فوود 

أسهل وصفة مع ألذ طعم ،سوبر سوبر سهله وسوبر حلوه، كل المكونات فى كيس حرارى بياخدو من نكهة بعض ويعملو نكهة أحلى بكتير وبمكونات بسيطه جدا 

By YassminesKitchen

المكونات

 جمبرى

كابوريا 

بلح بحر 

ذرة حلوه 

بطاطس 

زبدة

ثوم

روزمارى فريش 

عصير ليمون

٢كيس حرارى

١معلقة بابريكا مدخنة

نص معلقة زعتر 

نص معلقة اوريجانو 

نص معلقة ثوم بودرة 

نص معلقة ملح 

نص معلقة فلفل 

طريقة التحضير:

١-نسلق البطاطس والذرة فى حلة مياه باردة، نسلقها نص تسويه 

٢-فى كيس حرارى هنضيف المكونات كلها الجمبرى الكابوريا ،بلح البحر ،البطاطس، الذرة،الزبدة،الثوم، عصير ليمون ،التوابل،الروزمارى 

٣-نسخن الفرن على اعلى درجة حرارة وندخل الكيس الحرارى على صينية فرن لمدة ربع ساعه وتقدمها 

ملاحظات: 

استخدمى اثنين كيس حرارى جواه بعض عشان الكيس ميتقطعشو ممكن تشوفي الوصفة من هنا

https://www.instagram.com/reel/CckvEg2ATmf/?igshid=NjY2NjE5MzQ=

طريقة البسبوسة 

By Food Frenzy

عشان نعمل احلي بسبوسة مرملة هنحتاج

نص كيلو دقيق سميد ناعم

٣معلقة كبيرة جوزهند مبشور

٣/٤كوب سكر

٣/٤كوب سمن مذاب

٣/٤كوب لبن 

٢معلقة كبيرة عسل نحل 

الخطوات

-نخلط السميد مع جوز الهند و السمنة و نفركهم سوا (نبس البسبوسة)

-في بولة تانية هنخلط اللبن و السكر و العسل ونضيفهم علي خليط السميد و نقلب خفيف جدا بس يندمجوا عشان السميد ما يشدش و تنشف

-ندهن صينية مقاس ٢٨ بالسمنة و نفرد البسبوسة

-ممكن تتزين بالمكسرات حسب الرغبة 

-تدخل فرن ١٨٠ او ٢٠٠ لمدة ٣٠-٤٠ دقيقة لغاية ما تحمر من الجوانب

-لو لسه الوش متحمرش ممكن نفتح الشواية عليها

-اول ما تطلع تتسقي بشربات ساخن

-و للشربات هنحط كوب سكر و كوب و نص مياه علي النار يغلي ٥ دقايق و نضيف عصرة ليمون و رشة فانيليا و معلقة كبيرة سمن بلدي و ينزل سخن علي البسبوسة السخنة و تتغطي لغاية ما تتشرب و بالف هنا

و تقدري تشوفي الوصفة من هنا

https://www.instagram.com/reel/CcflNpbAQY_/?igshid=NjY2NjE5MzQ= 

الأكل الحلو من أهم لذات الحياة ، جربوا الوصفات و قولوا لنا رأيكم ، وبزلف هنا و شفا.