أولا

  كلام ماما ” القلب الحنين ” زي

ماتوقفيش كتير احسن رجلك تورم –

    أ– أنتي بتاكلي لاتنين مش – مهم تاكلي ايه المهم تاكلي اد ايه ي

  ماتلبسيش كعب خااااالص خاااالص –

 طبعا ماتلعبيش رياضة واقعدي في البيت بطة جوة وبطة بره –

لازم تعرفي ان معظم كلام ماما مش عملي ومش حقيقي في كل الحاجات، يعني مش مهم انتي بتاكلي لاتنين ولا لتلاتة…بس المهم انك تاكلي اكل صحي. الكمية مش المهمة النوعية اهم. والرياضة مهمة جدا في الحمل الا لو الحالة او الدكتور بنفسه اللي منع!ا

ماما خايفة عليكي اه، بس كمان الطب واسلوب الحياة اختلف جدا واتقدم عن ايام ماما فلازم  ندورعلي المعلومة الصح من مكانها المظبوط

ثانيا

حماتي حياتي” خليكي مستعدة”

طبعا حماتك زي أي أم بتحب ابنها جدا وشايفه إنه مافيش زيه اتنين!ي

فماتقلقيش خالص لما تلاقيها عمالة تقولك عايزين البيبي قمر زي ابني…انتي مش لوحدك، احنا كتشير اوووي!ومبدأ حماتك انه لوعندك حموضة يبقي البيبي حياتي هينزل زي ابوه بشعر مش بتبقي عادة  صح، ودة طبعا غير لواحلويتي تبقي بنت ولو مناخيرك كبرت يبقي ولد، بس ماتعترضيش اعملي حسابك انه كده كده هتسمعي الكلام دة… فخليكي مستعدة

ثالثا

 صاحباتك السينجل”  الذ واحدة”

لازم تستعدي لصحباتك السينجل او اللي لسه مخلفوش هيعملوا حركات فجائية، يعني لازم اول مايشوفوكي يجروا عليكي ويحطوا ايدهم علي بطنك، دة غبر ان بطنك هتبقي مزار سياحي للصور…فاستعدي!ي

طبعا معظم اللي هتتمنعي منه في فترة الحمل من شيكولاتة وغيرها هيجيبوهولك هدية علي سبيل الدلع!ب

فياريت تقولي لهم ايه المسموح بيه عشان فقرة اهدار الهدايا والحرب النفسية ليكي مع اللي بتحبيه وممنوعة منه

رابعا

صاحباتك اللي عندهم اطفال” طريقك مسدووود مسدوود” ب

اجهزي هنا لفقرة بعد الولادة بقي: ي

مش هتنامي –

مش هتعرفي تخرجي –

انتي لسه شوفتي حاجة –

الامومة مش سهلة انشفي كدة –

وجع حمل ايه ودة يجيي ايه جنب اللي هتشوفيه بعد كدة ولا المذاكرة والهووم ورك

هنا بقي تاخدي نفس عميق وتعرفي ان لكل مرحلة الحلو والصعب وفي كل مرحلة بيتبني ذكريات هتشوفيها بعدين وتضحكي، سيبك من فقرة انا جاية من هناك وبقولك هتتبهدلي…اتاكدي ان كل مرحلة فيها حاجات حلوة مش هتتعوض فاتبسطي بيها

خامسا

: البيبي” اطمني عليه”

اهم من كل اللي هتسمعيه في مرحلة الحمل، انك تطمني علي البيبي بجد، علي صحته وعلي انه سليم! ي

دلوقتي بقي في مصر تحاليل وراثية بتتعمل للحامل من اول الاسبوع العاشر في الحمل وبعينة دم بس، يعني امنة جدا ودقتها 99% و بتكشف علي البيبي من اي متلازمات واللي من اشهرها: ي

متلازمة الداون –

متلازمة ادوارد –

متلازمة بتاو –

التحاليل دي اجبارية في اوروبا وامريكا عشان نطمن على البيبي ودي أحدث تحاليل في العالم ودلوقتي موجودة في مصر

عشان الحمل مش بس كلام ولا صور، الحمل طفل جاي للعالم، حتة منك هتمشي على الارض…فاطمني على انه سليم من اي امراض وراثية او اي متلازمات

لو حامل اطمني على نفسك وعلي البيبي وخلي كل لحظة تسوي فرحة

أماكن عشان تعملي التحاليل الوراثية

Generations Genetics Labs – معامل أجيال للوراثة currently and for limited time offering 30% off on their GeNIPT Test