خمس حاجات لازم تتأكدي منهم قبل الجواز

لو هتتجوزي قريب في خمس حاجات لازم تتأكدي منهم الأول عشان تطمني على نفسك وعلى سعادتك: ت 

‎أول حاجة: لازم تبقي عارفة نفسك

 أنتي مين؟ عايزة إيه؟ عايزة إيه من العلاقة دي؟ وشايفة العلاقة دي رايحة لفين؟ لوعندك الاجابات دي تبقي ماشية تمام، استمري. ت

‎تاني حاجة: تبقي عارفة الشخص اللي هتتجوزيه كويس

عارفة مشاكله إيه؟ عيوبه إيه؟ طموحاته إيه؟ باصص لحياته إزاي؟ هو لاقي نفسه وعارف هو عايز إيه ولا لا؟ محقق نفسه ولا لا؟ شايفة نفسك جنبه ولا لا؟

‎تالت حاجة: تبقي عارفة إن علاقتك بأهله مش هيكون فيها مشاكل جذرية

يعني مش هتبقوا مترصدين لبعض! و

 كده كده هيكون في شوية مشاحنات يعني مين سترس علي السين للتاني وغيره من مشاكل بسيطة بس المهم ماتوصلش لحرب نفسية وتبقي العلاقة مجهدة من كتر المشاكل. ت

رابع حاجة: تبفي متاكدة من الصحة النفسية للعلاقة دي

يعني إن انتوا الاتنين لما اتحطيتوا في مواقف انكم اتضايقتم من بعض جدًا عرفتوا تحلوا المشكلة وانه محدش يحس انه متنازل للطرف التاني كتييير، لإنه بعد الجواز لو حد حاسس انه اتنازل اوي هيفضل مش مرتاح في العلاقة ومع اول مشكلة هيطلع القديم والجديد، فمهم تكونوا متوافقين مش متنازلين. أ

خامس حاجة: صحتكم الجسدية

 يعني مثلا في تحاليل وراثية المفروض انها تتعمل قبل الجواز لكن اللي بيحصل اننا بنضربها بخماشرجنية ونديها للمأذون عادي! ن

التحاليل الوراثية دي مهمة اوي بقى عشان تتأكدوا انكوا لما هتخلفوا هتجيبوا أولاد بصحة كويسة، وإن الولاد ما يتنقلش ليهم اي أمراض وراثية او متلازمات زي متلازمة داوون وغيرها خصوصاً ان في امراض كتيرة اوي منتشرة في المجتمع المصري وبتتنقل للولاد، زي انيميا البحر المتوسط  وحمى البحر المتوسط  والبيتاثلاثيميا وكل ده من غير ما الاب والام يعرفوا انه كان في حل من البداية ان كل دة مايحصلش، أطمني على عائلتك اللي جاية الجواز مش انتي وهو بس. ـ

‎اخر حاجة اعرفي نفسك وحبيها واطمني عليها قبل ما تفكري تاخدي خطوة ان يبقي ليكي شريك حياة

اختبارات تعمليها انت وجوزك المستقبلي عشان تتأكدي انكم متوافقين

5 Languages of Love

Nanaya Personality Test

أماكن عشان تعملي التحاليل الوراثية

Generations Genetics Labs – معامل أجيال للوراثة

 Entaleqi Card وبيقدم تخفيض لحاملي

10% on Couple Karyotyping

10% on Couple Carrier Screening