أول واحدة

زمان واحنا صغيرين كان موضوع انك تبقي الاولي دة مسألة حياة أو موت، يعني تقريبا أغلبية الأمهات كانوا ديما بيحفزوا بناتهم و ولادهم يبقوا الأوائل ، و مش الأولي مكرر مثلا ، لا الاولي!

بس كبرنا و اكتشفنا إن الاولي مش لازم تبقي في المذاكرة و بس ، و مش مرتبطة بسن معين ، و لا حاجة بعينها ، و مش حكر علي حد أه و حد لأ ، بالعكس !

كل واحدة فينا ممكن تبقي الأولي في حاجة معينة في وقت معين ، طول ما أنتي حابة حاجة معينة يبقي وارد جدا تبقي انتي الاولي فيها.

أكبر مثال علي دة هي : منال رستم

في الفترة اللي فاتت انتشر فيديو لمنال و هي بتتكلم عن صعوبة و مشقة تجربتها في تسلق قمة إيفرست ، أشهر و أعلي قمة جبلية ، طيب مين هي منال رستم؟

• منال رستم اشتغلت في مجال الصيدلة لمدة ١٤ سنة
• قررت بعدها تسيب الصيدلة وتتفرغ للرياضة
• بدأت من ٢٠١٢ رحلتها مع الرياضة بخطوات حقيقية
• أهلها كانوا معارضين لفكرتها و لكنها بدأت تقنعهم من ٢٠٠٧ لما قدر عمر سمرة يوصل لقمة ايفرست، و الموضوع دة شجعها جداا، و بعد اكتر من ٤ سنين في محاولات لاقناع باباها ،اخدت أول خطوة بانها حجزت أول رحلة تسلق ليها في تنزانيا 
• شاركت في مارثوانات كتير جدا منهم في الأقصر و دبي و الكويت و عمان و الأردن و لندن و مدريد
• وكانت أول عربية تشارك في مارثون سور الصين العظيم
•  
• تسلقت عدد كبير من الجبال في اكتر من مكان في العالم زي :
•  
• جبل كيليمانجارو في تنزانيا و دي اعلي قمة جبلية في القارة السمراء في ٢٠١٢
• جبل كينيا تاني اعلي قمة جبلية في العالم في ٢٠١٣
• قمة”إلبروس” و دي اعلي قمة في اوربا و خامس أعلي قمة في العالم في ٢٠١٥
• قاعدة جبل الهيمالايا في  ٢٠١٥
• o  قمة افرست في مايو ٢٠٢٢  و عمرها ٣٩ سنة

منال مثال ملهم جدا، منال ملهمة عشان حاجات كتير و انها كانت الاولي في حاجات كتير ،

يعني أول محجبة و أول مصرية و أول ست مصرية تتسلق جبل ايفرست و توصل لقمته.

أول عربية مصرية محجبة  يتم اختيارها تكون الوجه الإعلاني لشركة “Nike” العالمية للملابس الرياضية للمحجبات

أول مصرية تشارك في سبق سور الصين العظيم 

منال ملهمة لانها ماخافتش توقف اللي بتعمله و تركز في اللي بتحبه، مقالتش انا كبرت و لا قالت مش عايزة اطلع من اللي عارفاه،

منال قررت تعمل اللي بتحبه و عشان كدة بقت الاولي فيه، ومع كل الإنجازات الكبيرة دي لمنال الا انها كمان عملت جروب علي الفيس بوك في ٢٠١٤ اسمه Surviving Hijab

 منال لها روح مبهجة و تأثير حلو علي كل الل حواليها و بتحاول تكون مصدر الهام لبنات و ستات كتير ، منال بتساعد كمان في المجتمع من خلال زياراتها للمدارس و شرح أهمية الرياضة للأولاد الصغيرين ، و بتقرأ و بترشح كتب ملهمة لمتابعينها.

من الذ الحاجات اللي عملتها منال مؤخرا هو صورها ليلة العيد من قاعدة جبل ايفرست بالعباية و احتفالها بالعيد في اكبر تحدي ليها بنفس روحها و بتعكس انتمائها و ثقافتها اللي ديما بيميزوها!

كل واحدة فينا تقدر تكون الأولي ! اعملي اللي بتحبيه و أكيد هتكوني الاولي بإنجازك فيه !