دليل مسلسلات الأطفال في رمضان

متقلقيش مش هتشدي في شعرك الساعة اللي قبل الفطار، وولادك هيلاقوا حاجات يتفرجوا هما كمان عليها! 

السنة دي هتبقي مختلفة شوية لأنك بمنتهي البساطة هتقدر تسيب ولادك يتفرجوا عادي علي التلفزيون و تشاركههم الvibes علشان أخيرا بقي فيه كذا كرتون هيتعرض السنة دي في رمضان، 

أولا، يحيي و كنوز: 

بطولة: إسعاد يونس، أحمد السقا، ياسر جلال، أشرف عبدالباقي ، يعني مسلسل لذيذ من الاخر ،

هو مسلسل تاريخي بيتكلم عن مصر الفرعونية ( عصر الأسرار القديمة) مع وجود أحداث تاريخية مهمة، المسلسل هيبقي مختلف و جديد و هيشدهم جدا و كمان هيربطهم أكتر بتاريخ بلادنا و يزود معلوماتهم، هيتعرض علي DMC. 

ثانيا، فلاش: 

بطولة محمود مبروك، شريف حمدي، حنان بغدادي. بيتكلم عن شخصيات فلاش الشهيرة و من خلالها ميدو و سوزي بيبقي عندهم مغامرات كتيرة مع البحار الغبي، طبعا دة غير ان الأطفال هيستمتعوا بيه، كمان الكبار مرتبطين بالحواديت دي جدا ، و مستنين بقي قصص طفولتنا تتجسد في كرتون قدامنا

ثالثا، فنانيس: 

عارفين الشخصيات الصغيرة اوي الcute اللي بيجوا علي قنوات MBC أخيرا أخيرا مش هنشوفهم في الفواصل و بس، و هيتعمل منهم مسلسل طويل في رمضان و احنا كلنا مستنينوا كبار وصغيرين.

رابعا :

كل دة جنب انه أكيد هتتعرض علي  قناة الحياة * قصص الانبياء*.

خامسا:

بالمناسبة  الجميلة بقي، بوجي وطمطم هيتعرض علي  ماسبيرو زمان في رمضان كل يوم الساعة 6 و نص.

كدة خلصنا المسلسلات الجديدة اللي هتيجي في رمضان، أو اللي تم الإعلان عنها لحد دلوقتي، 

كحل تاني بقي نقدر نفرج ولادنا علي حاجات قديمة مناسبة ليهم، يعني ممكن بقي نلجأ للyoutube  :

-ممكن نفرجهم علي أول 3 أجزاء من بسنت و دياصطي اللي كام بييجي علي نايل كوميدي و بطولة صلاح عبدالله و حنان ترك.

-السنة اللي فاتت اتعرض مسلسل اسمه زينة بطولة بشري، أحمد خالد صالح، و سامي مغاوري. 

المسلسل بيروج لمعالم سيناء و كوميدي و مشوق اوي ف هيشد انتباههم.

-و كمان فيه القبطان عزوز بطولة سامح حسين و انتصار، المسلسل بيحكي عن مغامرات القبطان عزوز في البحر مع الفريق بتاعه،و عمته و هما بيلفوا العالم كله.

-كمان هتلاقوا مسلسلات زي عصام و المصباح،

 و ظاظا و جرجير اللي هيتعلموا من خلالهم سلوكيات حلوة كتير،

 و كمان مسلسل المغامرون الخمسة هيحمسهم اوي. 

و أكيد أكيد سنوحي و بكار و عالم سمسم، مش معقول ننساهم ، وممكن اولادكم يحبوهم!

نتمني لكم و لاولادكم مشاهدة آمنة و سعيدة، رمضان كريم.