٥ نصايح لتقليل العطش في نهار رمضان

رمضان السنة دي بدأ بجو حر جدا، و طبعا الحر يعني محتاجين مياه كتير ، و عشان نقدر نقاوم العطش في نهار رمضان الحار ، دول خمس نصايح هيساعدوكي لتقليل العطش في رمضان:

١-عصير البطيخ،

طبعا عصير البطيخ دة بيطبطب علي البني ادم من جوه كدة طول الصيف، بس الله بقي علي عصير البطيخ في رمضان، عصير البطيخ تقريبا بيحتوي علي ٩٠٪ مياه، و بيدي جسمك نسبة عالية جدا من الرطوبة هتساعدك في رمضان و هتخلي جسمك محافظ علي رطوبته طول النهار 

٢-قللي من أكل الحلويات في السحور ، 

غير إن أكل الحلويات الكتير هيبوظ   أحنا داخلين علي الصيف، الا إنه كمان هيخليكي تحسي بالعطش طول الوقت لو كترتي منها في السحور 

٣-ممكن تاكلي في السحور موزة، أو تمر، أو مشمش مجفف ، دول من الحاجات المفيدة جدا لانهم مليانين بوتاسيوم، و دة اللي هيخليكي متحسيش بالعطش تاني 

٤-الطماطم، 

الطماطم مرطبة للجسم جدا ، فبمجرد أكل الطماطم في السحور بتساعد الجسم علي الترطيب علي مدار اليوم 

٥-الخيار، و التفاح، و الشمام من الأكلات اللي مليانة مياه و بتساعد جدا علي ترطيب جسمك طول وقت الصيام هما الخيار و التفاح و الكانتلوب أو الشمام ، فلو قدرتي تزودي علي سحورك حاجة منهم هتساعدك جدا إنك تقللي احساسك بالعطش 

طبعا من الحاجات المعروفة جدا هو الزبادي علي السحور لانه بيساعد علي الهضم و بيساعدك تاني يوم ماتكونيش تعبانة في الصيام، ممكن جدا تزودي عليه أي فاكهة أو شوفان أو تمر .

نتمني الجو يبقي لطيف معانا طول فترة رمضان، و لو أصر يبقي حر ، هنعرف أزاي نقلل عطشنا بأكلات طبيعية مفيدة و مليانة ترطيب لجسمنا