خايفة اعرف…خايفة أقول…خايفة اخد خطوة وأندم

!الخوف

 دايما بنخاف من اللي مش عارفينه، بنخاف واحنا داخلين علاقة جديدة أحسن ماتبقاش كويسة او نفشل او نتوجع! بنخاف واحنا رايحين انترفيو شغل أحسن نترفض، بنخاف واحنا بنفكر في مستقبلنا أحسن الواقع يودينا في حته تانية، بنخاف واحنا بنواجه الحقيقة … بنخاف حتى لما بنحب ناخد رأي حد او نحكي حاجة تخصنا، بنحب نكتبها مجهولة!ى

بس لما بنخاف؛ اللي خايفين منه مابيتغيرش ومابيستخباش، بييجي في وشنا وبنتخض ونسأل نفسنا المفروض نعمل ايه دلوقتي؟

  لو داخلة علاقة جديدة وخفتي وقررتي ماتدخليش عمرك ماهتعرفي ايه اللي ممكن كان يحصل وإذا كان ممكن تكون كويسة ولا لا….ة

 لو كل حاجة خفتي منها فقررتي ماتعمليهاش او تخبيها جواكي وماتعرفيهاش عمرك ماهتعرفي انه كان في فرصة  ان الوحش مايحصلش وأن كان ممكن تكملي وتعافري بس كل اللي محتاجاه انك تسبقي خطوة عشان توصلي للي عايزاه والاحسن.ى

يعني لو بتحبي واحد وقررتوا تتجوزوا وانتي عارفة ان عنده في العائلة امراض وراثية مثلا، هيبقي عندك اختيارين:ت 

الاول: أنك تخافي تعملي التحاليل بتاعة قبل الجواز ليكم أنتم الاتنين “عشان يمكن يطلع في مشكلة”، فتقرري ماتعمليش التحاليل عشان الجوازة تكمل، وتسيبي صحتك وصحة ولادكم اللي جايين للمفاجاة.لا

التاني: أنك تروحي فعلا تعملي التحاليل وتسبقي خوفك بخطوة، لانه لو طلع في مشكلة، مش هتفشكلي الجوازة ولا حاجة بس هتعرفي تعملي الاجراءات اللي تخليكي تطمني وتعرفي تحمي ولادك ان يكون عندهم نفس المرض اللي في عيلتك اوعيلته.ا

ولو انتي حامل وعارفة انه احتمال يكون في مشكلة معينة او مرض معين عند البيبي، وقتها ما ينفعش تخافي وتقولي مش هاتأكد واطمن، بالعكس دلوقتي مع التطور الهائل في الطب بقي في تحاليل بتتعمل من بدري جدا في الحمل بتطمني بيها على البيبي من اي امراض وراثية او اي متلازمات…عشان كدة ماينفعش تخافي، لازم تعرفي وتحلي وتاخدي خطوة.ت

المرض مش ضعف والخوف مش حل و التجاهل مش مفيد، اي حاجة ليها علاقة بصحتنا او صحة ولادنا اللي جايين ماينفعش ولا نخاف ولا نقول مش عايزين نعرف احسن!ت

لو واحدة عندها في عيلتها تاريخ مرضي للسرطان، لما تعرف ان في دلوقتي تحاليل ممكن تعملها عشان تعرف احتمالية نسبة الاصابة بالمرض تلاقيها بتقولك، لا مش عايزة اعرف…أكدر نفسي ليه!س

بس الحقيقة أنك مش بتكدري نفسك، الحقيقة أنك لو عرفتي انه ايجابي يبقي لازم تتابعي من بدري عشان لا قدر الله لو جه تكتشفي في مرحلة مبكرة ودة بيخلي نسبة الشفاء كبيرة جدا!ت

 بتفكير بسيط …لو خفتي وقررتي ماتعرفيش ممكن لا قدر الله يوم ما تعرفي تبقي في مرحلة متأخرة والمرض محدش بيحبه ومحدش بيبقي مستعد له فجأة.ت

لو خايفة واجهي خوفك…اسبقيه بخطوة…ماتخليش حاجة توقفك أنك تعرفي.ن

اهم حاجة أنك تتبسطي وتعيشي تجاربك وتستمعتي بحياتك، والاهم تستمعتي بصحتك لانها الوحيدة اللي ماتتعوضش.ا

ماتخافيش تعرفي، ما تخافيش تقولي، خدي خطوة، حبي نفسك، قدري صحتك وصحة عائلتك.ا

أماكن عشان تعملي التحاليل الوراثية

Generations Genetics Labs – معامل أجيال للوراثة

10 % Entaleqi Card وبيقدم تخفيض لحاملي