Editor
طبعا في ظل الجو البرد الحالي بيبقي قرار إنك to have sex قرار صعب جدا الحقيقة ، و هنا يحضرني فيلم “الإرهاب و الكباب ” لما عادل إمام دخل لمراته ماجدة ذكي في ليلة الخميس و قعد يدور عليها تحت كمية البطاطين و الألحفة ، و ينده لها “منييييييييرة” لحد مالقها بعد ٧ بطاطين مثلا !
عزيزتي القارئة أنا عارفة و مقدرة صعوبة الطلعة دي في هذه الأجواء ، إذا كان طلعة إنك تقلعي الشراب صعبة ،و طلعة الحموم تكاد تكون مستحيلة، فمابالك بطلعة السكس ؟!
بس خلينا نتفق علي إنه في إجماع إن العلاقة الحميمية بتوّلد طاقة دفا عظيمة، فخلينا في المقالة دي نساعدك إن فقرة السكس في الجو دة تبقي ممتعة ،و مش واجب بتهربي منه، أختاري من الخطوات اللي جاية اللي يناسبك :
أولا : اللي هتعمليه مضطرة بدل ما تعمليه بجميلة، اعمليه و إنتي مبسوطة !
يعني كدة كدة جوزك حبيبك هيبقي حابب جدا العلاقة في الوقت دة ، فبدل ما تعملي العلاقة كانها واجب ،و تبصي في الساعة يارب يخلص عشان انام ، أو تهربي من الموضوع كل شوية ، فيتقلب الموضوع لخناقة ، خليكي ذكية و استمتعي بالعلاقة،
و في الخطوات اللي جاية هنقولك إزاي تعملي العلاقة في الجو دة و كمان تستمعي .
ثانيا : الجو الدافئ
خليكي ديما مستعدة بان البيت أو علي الأقل أودتكم تكون دافية، و إن إنتي تكوني متدفية كويس ، و هنا المقصود بمتدفية كويس مش إنك تبقي شبه زيبة في سنبل ! و لابسة الدولاب كله علي بعضه ، لأ، تبقي متدفية بإن في دفاية شغالة ، تكييف سخن شغال ، يعني الجو العام للبيت أو الاودة دفا .
ثالثا: الأكلة الحلوة
معروف إن في أكلات معينة بتخليكي أصلا حرانة في عز البرد ، زي السي فوود ، أو لمحبين اللحوم شربة الكوارع ، أو الحمام ، و يا سلام لو من محبين الشطة ، قرن فلفل حامي هيخليكي قنبلة نووية موقوتة !
نجّهز بقي جو البيت السخن، مع الأكلة الحلوة السخنة ، و صدقينا هتطلعي طاقة تتصدر للخارج .
طبعا لو واحدة سالتني إنها مش عاملة أكل من الأكلات دي أصلا، و جوزها فاجأها و هو راجع إنها واحشاه و هو جاي في الطريق ، تعمل إيه ؟ عادي جدا ، بكل الحب هتطلبي منه يعدي يجيب الاكلة اللي بتحبوها و هو راجع علي ما انتي تجهزي البيت و لو في أطفال تنيميهم.
رابعا : الفيلم الحلو / المزيكا الحلوة
علي حسب شخصيتك و شخصيته ، يعني لو بتدخلي الموود بنوع معين من المزيكا شغليه في البيت ، لو في فيلم حلو – و هنا طبعا مش لازم بقي فيلم أكشن و لا رعب هااا ، نركز ، فيلم رومانسي لذيذ و إنتوا الأتنين بتحبوه ، أو فيلم جديد هتتفرجوا عليه مع بعض – يبقي نجهز الفيلم دة ، و نتدفي في حضن بعض و إحنا بنتفرج بعد الأكل ، و دة مهم في مرحلة الاستعداد و التسخين ، هوب هوب .
خامسا : اللبس الحلو
مش كتير بتقعدي تقولي” نفسي البس و اتشيك و أخرج و يبقي شكلي حلو” ، أعتبريها فرصة و قومي البسي اللبس اللي مش بتلبسيه- لو حابة فكرة لبس الخروج – أو البسي اللي يحسسك بإنك حلوة و سيكسي لو ليكي في اللانجيري أو ال costumes ،
افتكري مدام فيفي و هي بتقول : ” قومي يا بت البسي و اتشيكي و ابهريه “
و دلعي نفسك بقي – كل واحدة حسب شخصيتها و اللي بتحبه- يعني لو بتحبي تحطي ميكب أب ، أعملي كدة ، حطي برفيوم حلو، و دة مهم جدا جدا ، المهم إنك لما تبصي لنفسك في المراية تقولي ” عاااش يا وحش ”
سادسا : ال foreplay
مهمة أوي الفقرة دي ، يعني مش بعد كل المجهود اللي فوق و تبقي العلاقة ” مساء الخير ، مساء النور “و خلصّنا ، مهمة جدا الفقرة دي ، زي بالظبط في أي رياضة ، مش مهم الأول التسخين قبل ما ننزل نجيب أجوان ؟ هي نفس الفكرة بالظبط ، لازم تاخدي وقتك في إنك تتبسطي و تبسطيه لحد ما تكملوا العلاقة و أنتوا الأتنين مستمتعين.
سابعا : فقرة الشاور
طبعا كتير من الستات بيكسلوا أصلا يعملوا سكس في هذه الأجواء ، خوفا من فقرة الشاور، بس السؤال هي السخانات قصرت معاكوا في حاجة ؟ يعني أصلا في الجو دة الشاور السخن من أحلي الحاجات اللي ممكن تستمتعي بيها ، وبعدين خليني أقولك إنه بعد كل الطاقة اللي فوق الشاور هيجي كمكأفاة سعيدة ، و في بقي إذكياء جدا و العلاقة بتتم تحت الشاور فبيبقوا ضربوا عصفورين بحجر واحد !
طبعا كتير هيقولوا لي أصلا إزاي نعمل كل دة ؟ و دة مش منطقي ؟ و العيال و الشغل و شغل البيت ، و إحنا بنبقي مش قادرين ، دة غير الجو الثلاجة دة !
هقولكم اللي قلته في الأول خالص ، اللي هتعمليه مضطرة ، إعمليه مبسوطة ! يعني كل واحدة تاخد اللي تقدر تعمله من الخطوات اللي فوق عشان تبقي فقرة العلاقة في الشتا مش واجب و لا تكديرة و لا سبب للخناق !
من الأخر العلاقة الجنسية اسمها علاقة حميمية ، يعني من أهم العلاقات اللي بين أي زوجين ، و مش بناخد منها بريك في الشتا مثلا ،ولا بنعملها إجازة نص السنة زي المدرسة ،
وكل حاجة و ليها صرفة و حل ، العيال بيناموا عاادي ،
وفي اودة بتاعتكم ،
و لو علي شغل البيت فأنتي كدة كدة بتطبخي ، فخلي الأكل اليوم دة حاجة تساعدكم علي ليلة لذيذة ،
الجو تلاجة ، اه
حد ساب باب الديب فريزر مفتوح علينا ، اه
بس كل حاجة من اللي فوق دول لو عملتيها هتخليكي تشعي طاقة و دفا يشغلوا مفاعل نووي!
بلاش لما تطبقي فقرة “إغريه يا سُكينانا “زي مسرحية ريا و سكينة، تقرري تلبسي له الخلخال فوق اللكلوك ،
في عز البرد دة ، خلي دفاكي في اللحظات السحرية اللي ربنا ادهالنا ، ماتهربيش و تتحججي بالبرد ، ربنا لما خلي العلاقة بتدفي كمان كان لسبب ،
في ال sex أستمتعي و أتبسطي و أتدفي !
بقلم نسمة مدحت
Nesma Medhat ُEntaleqi Chief Editor/Writer/Marketer/ Vlogger /Storyteller and Author for published book “إاللي إسمه إيه”
Comments
0 comments