in , ,

أحلي أفلام تتفرجوا عليها في فترة الكريسماس و النيويير

ديما في الأيام اللي زي دي ، و مع لسعات الجو الساقعة اللي فجأة بتدّخلنا في موود الشتا ، ديما أول ما أفتح الشباك الصبح و الاقي سحاب و سقعة و مطر ، تحضُرني أغنية الفنانة مني عبد الغني “الدنيا برد و بتمطر ، بس إحنا مالنا ما تمطر ” من فيلم “الباشا” ، وماحدش يسألني أشمعنا الأغنية دي بالذات ؟ بس هي تحسسك إنك متصالح مع نفسك و مع السقعة!

في وسط مشهد الجو الساقع دة، و أغاني الشتا اللي بتدفي القلب دي، و كأنك في فيلم ،هوووب  بننزل علي أرض الواقع و نفوق لمسئولياتنا اليومية ، سواء بقي هتروحي الشغل ، تودي مدرسة ، تجري علي تمارين ، تطبخي، تنضفي وغيرها ، 

بس في وسط اليوم و إنتي  بتعملي اللي عليكي ، بيبقي في الباك جرواند في مخك، بتفكري أمتي ترجعي لسريرك حبيبك و تدفي تحت البطانية و اللحاف ؟ و أخيرااا تأنتخي وتتفرجي علي فيلم حلو يعيشك جو الشتا و روح الكريسماس و النيوييرمن غير ما يبقي وراكي حاجة لسه هتعمليها .

لو عليا أنا شخصيا ، أعظم طموحاتي في الوقت دة بتبقي قعدتي علي السرير متدفية، و أطلب بيتزا سخنة و معايا لتر بيبسي عشان الأحداث ، و بعدها برطمان النوتيلا يحتويني ، و شوب الهوت شوكليت بيبقي أحلي partner اللي بيحتويني و بيطبطب علي قلبي في السقعة ، و مع ليسته أفلام طويلة ، ببدأ أختار الفيلم المناسب لليوم و الموود و الجو .هكتب لكم ليسته بأحلي الأفلام الخفيفة اللي ممكن تتفرجوا عليها في الجو دة، و معظمها مرتبطة معانا بذكريات من الطفولة ، واللي مهما اتفرجنا عليها مابنزهقش زي:

1-Home Alone  

2- Runaway Bride

3- Sleepless In Seattle 

4-Pretty woman 

5-Entrapment

6-The Holiday

7-Life as we know it 

8-The Body Guard

9-My Best friend’s Wedding 

10-The Mask Of Zorro

11-You have got mail 

12-The Wedding Planner

13-While you were sleeping 

14-Intolerable Cruelty

15-Serendipity

16-Crazy Stupid Love

17-Home alone 2

18-Four Christmases

19-The Family Stone

20-Last Christmas

21-HoliDate

22-Love Actually

23-Holiday in the wild 

25-Ghosts of Girlfriends Past

 25- How to lose a guy in 10 days ?

و في النهاية أتمني لكم سهرة سعيدة بعد يوم طويل، و تتفرجوا علي الفيلم اللي بتحبوه ، و الأهم إنكم تتفرجوا مع الناس اللي بتحبوهم سواء ” أم، أخت، بنت، أصحاب ، زوج” أو لو مش كل دول تأنسي نفسك بمشروبك المفضل و تستمعي بوقتك مع نفسك و لنفسك !

Nesma Medhat ُ
Entaleqi Chief Editor/Writer/Marketer/ Vlogger /Storyteller and Author for published book “إاللي إسمه إيه”

What do you think?

Written by Editor

Comments

Leave a Reply

Your email address will not be published. Required fields are marked *

Loading…

0

Comments

0 comments

مين هو الظهر و السند ؟

How to deal with PMSing period?