ازاي تزودي دخلك؟

طبعا السؤال دة كلنا عايزين اجابته ، و بعيدا عن الهزار في الموضوع دة و الثري العربي و اشتغلي رقاصة، الا انه في شوية حاجات ممكن تعمليها و تزود دخلك بجد، زي :

 أول حاجة،

-شوفي انتي موهوبة في ايه؟ أو ايه اكتر حاجة بتحبي تعمليها و حاولي تطوري نفسك فيها بكورسات اون لاين ، زي مثلا الاكسسوارات اليدوية، الرسم، المشغولات المختلفة ، اللغات المختلفة و  غيرهم

ثانيا، 

لو بتحبي تشرحي و شاطرة في مواد معينة ، تقدري تجمعي ولاد اصحابك و معارفك و تديهم درس ، و ممكن تبقي لدروس دي اون لاين من و انتي في مكانك

ثالثا، 

في مواقع كتير بتساعدك تشتغلي و تقدمي شغلك بالقطعة لمشروع معين و بيتم تحويل الفلوس ليكي و الموقع بياخد نسبة ، المواقع دي زي :

https://www.upwork.com/

https://www.peopleperhour.com

اهم حاجة في الموضوع دة ، انه يبقي عندك طولة بال، يعني تبدأي تدوري علي الشغل اللي ممكن تقدميه لمكان معين و تقدمي بمبلغ مايعديش اللي الشركة طالباه، و شغلانة ورا شغلانة البروفايل بتاعك هيكبر و هيجيلك شغل اكتر ، و الدفع بيبقي عن طريق تحويل الفلوس ليكي بتحويل بنكي 

رابعا،

خدي كورسات اون لاين في الحاجة المطلوبة اكتر في السوق و اللي بتحبيها ، و ابدأي واحدة واحدة فيها و كبريها من دخلك الحالي لحد ماتوصلي انها تزودلك دخلك زي ما انتي عايزة

خامسا،

عشان تعرفي تزودي دخلك ، لازم تعرفي تقسمي دخلك الحالي أصلا و بالتالي هيبقي في فائض تعرفي تتعلمي بيه حاجة جديدة تزود دخلك، يعني في دراسة شهيرة بتقسم لك مرتبك ل ٥٠ ٪ اساسيات و أقساط،  ٣٠٪ اكل و شرب، ١٠٪ترفيه و ١٠٪ حاولي تحوشيهم أو تستخدميهم في انك تطوري حاجة بتحبيها 

في ظل الظروف الاقتصادية اللي العالم كله بيمر بيها بقي مهم أوي نخرج من الصورة النمطية للشغل، و نحاول نزود دخلنا بناءا علي مهاراتنا و هواياتنا و اللي بنحبه و نقدر نُبدع فيه و كمان نستفيد منه ماديا !

ركزي في مهاراتك عشان تقدري تزودي دخلك ، دمتم مجتهدات!