أشهر ١٠ جُمل تعرفي منهم انه ب flirt

طبعا قصة ال flirting  دي ملياااانة تفاصيل في كل بلاد العالم و مع كل الجنسيات باشكال مختلفة، اما عن الراجل المصري الأصيل فلقطة انه يقرب من واحدة بتقلب كليشيه شويتين تلاتة ،

و مع تكرار نفس السيناريوهات و نفس الكلام ، بقت البنات حافظة الأسطوانات دي و بتسمعها لبعض ،  

و دي اشهر ١٠ جُمل بيقولها الرجالة المصرية في ال flirting  :

١-روحتي/ اكلتي/ نزلتي/ طلعتي/دخلتي التواليت/ اخدتي الدوا/ عملتي الحاجات المتاخرة عليكي ، طب هكلمك افكرك

٢-انا عمري ما قلت لحد الكلام دة ، عمري أصلا ما بعرف احكي، مش عارف حكيت لك الحاجات دي ازاي؟

٣-انا كان يوم طووويل و سخيف جدا، بس بجد بعد ما كلمتك/شفتك ، بجد حاسس احسن كتييير

٤-دماغك عاجباني اووووي بجد ، بجد عمري ما اتكلمت مع واحدة في سنك و دماغها كبيرة كدة 

٥-تيجي نلعب  truth or dare !

٦-مالك؟ حاسك متضايقة ، انا موجود عموما في أي وقت لو حابة تتكلمي او تحكي !

٧-شكلك كان حلو اووي انهاردة/ شعرك شكله يجنن/ لبسك و ستايلك في حتة تانية بجد!

٨-عندك ايه انهاردة؟ / بتعملي ايه؟

٩-انتي فين ؟ طيب هعدي عليكي اقعد معاكي شوية/ هعدي اسلم عليكي!

١٠-سمعتي الاغنية دي و يبعت لك اغنية رومانسية

و دول تقريبا اشهر جُمل الراجل المصري بيستخدمهم عشان يعبر عن اهتمامه بواحدة، في كل الطبقات بقي و بكل المستويات الثقافية و الاجتماعية هي هي نفس الجُمل بنفس الأداء ،

 اللذيذ اللي في الموضوع ان لسه في بنات بتجيب معاها الجمل دي، و بتخليها تتبسط  بالاهتمام دة ، و تقرب هي كمان من الراجل دة ،

 الا انه لسخرية القدر الجُمل اللذيذة اللي بتعبر عن الاهتمام دي لو جينا نكشف عليها كدة بعد شوية وقت، بعد ما يبقوا مع بعض او بعد الجواز بنلاقيها اتبخرت! و بدل ما كان بيقولها دماغك و تفكيرك عظيم، تلاقيه بيقولها انتي مش فاهماني او تفكيرك تفكيرك عيال ، و بدل ما كان بيقولها حاجات عمره ما قالها قبل كدة بيقلب غامض قامط لا يتحدث الا نادرا 

نتمني ان اشهر جُمل ال  flirting  اللي الرجالة بتقولها في مراحل الاعجاب الاولي تبقي حقيقية و تكمل لبعد الارتباط و ماتبقاش بس كليشيه في مرحلة الصيد و بعدها هووووب تتبخر!  دمتم فاتنات و مُتعاكسات بحب حقيقي، مش يبقي كلام يومين و فااات!