Hispanic woman holding tissue reading pregnancy test
in ,

لكل واحدة بتمر بمشاكل تأخر الحمل – الجزء الأول

أنا متجوزة من خمس سنين وعندي بنت عندها ٩ شهور ربنا كرمني بيها بعد ٤ سنين ونص محاولات للإنجاب ضمنهم ٨ مرات حقن مجهري ربنا كرمنا في آخر محاولة الحمد لله

كنت حابة شوية أتكلم عن تجربتي ورحلة العلاج الطويلة عشان بشوف كتير أوي ستات مش بتحب تتكلم قدام حد أو يكون عندهم الجرأة إنهم يشتكوا من الوجع والألم اللي بيمروا بيه من تأخر الإنجاب واللي أسبابه كتير؛ مشاكل صحية – عيوب خلقية – مشاكل ذكورة – من غير أسباب طبية معروفة….الخ

لأن عادة بسبب ردود الفعل، الموضوع بيقلب مأساة نفسية و جسدية بالذات عالست حتى لو معندهاش مشكلة صحية، الضغط بيبقى عليها بشكل مباشر وسخيف؛

(نظرات مليانة تساؤلات (يا ترى العيب من مين –

(أسئلة مباشرة من نوعية جربتوا تروحوا لدكتور فلان الفلاني بيقولوا شاطر أوي (وأنت أصلاً مطلبتيش رأي حد –

طبعاً في يا حرام ويا عيني ومعلش يا حبيبتي وده ضغط ضغط ضغط بشع –

اللي مر بالعلاج بالهرمونات لأي سبب مش بس الخلفة هيبقى فاهم تأثير الهرمونات على نفسيتنا وجسمنا فتخيلوا ضغط خارجي وضغط داخلي….ده غير ضغط كل زيارة للدكتور…يا ترى في أمل…يا ترى العلاج جاب نتيجة ومليون يا ترى

النهاردة حابة أقولكم إن إنتوا مش لوحدكم…في زيي وزيك وزينا كتير…ليه بتداروا؟ ليه شايفين إن مفروض محدش يعرف؟

حبيبتي أنت مش معيوبة…أنت مش سبب حاجة…ده الإبتلاء اللي ربنا اختارهولنا في الدنيا

ليه مبتعرفيش تداري مضايقتك لما حد يسألك عن الموضوع ده؟ بصي في عين اللي قدامك قولي الرد اللي تحبيه…هقولك دلوقتي شوية ردود وتصرفات تردي بيها على أي حاجة أو حد يضايقك؛

السؤال التقليدي، ها مفيش حاجة كدة؟ أو هو لسة؟

        قولي لسة ربنا مارادش –

        قولي بنحاول وربنا كريم –

       قولي ملكوش دعوة (اه قولي كدة) محدش بيحس بيكي فمتحسسيش في كلامك أوي –

        مترديش خالص وكأنك مسمعتيش السؤال أصلاً –

        اعملي اللي يريحك وبس –

في كام حاجة إنتي وجوزك اتفقوا عليها عشان ترتاحوا

        بشياكة كدة لو أنت اللي بتروحي للدكتور حماتك متروحش معاكوا…ممكن مامتك أو انتوا الإتنين بس

        ماتعرفيش حد مواعيد الزيارات عشان مش تقللي ضغط

        حاولوا يكون كل واحد فيكم مسئول إنه يفهم أهله بطريقته واللي إنتوا بتمروا بيه عشان متلاقيش الأسئلة السخيفة جاية من حد مضطرة تردي عليه و تبرري

        اتفقوا إنك في أوقات هتكوني قادرة تروحي تجمعات فيها أطفال أو إحتفالات وأوقات لا (متضغطوش على بعض) افتكري كويس محدش بيبقى حاسس باللي أنت بتمري بيه في ساعتها

       عارفة إنك مكتئبة وعارفة إنك تعبتي، بس أول ما تحسي انك مش قادرة، خدوا أجازة يومين وروحوا في أي حتة، حتى لو مش سفر روحوا سينما، اتغدوا برة، اتمشوا في الشارع واتصوروا واعملوا حاجات بتحبوها، ومن فضلك ماتسمعيش كلام اللي يقولك؛

أول ما تبطلي تفكري في الموضوع، هيحصل والكلام ده…كل شيء بأمر الله، بس لما حد كان بيقولي كدة أقوله محدش مكاني…محدش حاسس بالألم اللي بحسه…محدش بياخد الدوا والحقن اللي باخدها عشان تتبرعوا بإني أبطل أفكر

        ولا اللي تيجي تقولك جربتي تروحي لدكتور فلان ده بنت بنت خالتي جابت ٣ بعد ٢٠ سنة معاه

        ولا جربتي تلقيح صناعي، طيب جربتي حقن مجهري؟ طيب ماتروحي لشيخ يمكن معمولك عمل

والله كل الكلام ده كان بيضايقني أوي في الأول وبعدين جالي تبلد وبقيت برد مع ضحكة سمجة كدة، خليكي جريئة وما يهمكيش

دي كانت أول حاجة حبيت أشاركها معاكوا عن رحلتي من أول ما عرفت لحد ما حملت، حابة أشارككم حاجات أكتر عن الدكاترة والعلاج والحقن المجهري وما بينهم، دي كانت البداية بس

ترشيحات من أدارة الموقع لمتخصصين في مجال الخصوبة ويقدمون تخفيض (على عمليات الحقن المجهري لحاملي كارت التخفيض الخاص بنا)؛

https://bit.ly/2RODtb5 د. أيمان علي

https://bit.ly/2Vktnkx د. عبد المجيد رمزي

http://bit.ly/33wz7dt د. ياسمين درويش

https://bit.ly/3blEeQT مركز البشرى للخصوبة

https://bit.ly/3ahcDyY د. أشرف صبري

https://bit.ly/2YXPG1b مستشفى نور الخصوبة

FemiHealth Clinic https://bit.ly/38sTTx3

https://bit.ly/2VOhRxx لمعرفة المزيد عن الكارت وكيفية طلبه

 

By Amira Saad
37 Worked for 13 years with diverse experience in brokerage and supply chain fields, married for 5 years with a 10 months miracle baby

What do you think?

Written by Editor

Comments

Leave a Reply

Your email address will not be published. Required fields are marked *

Loading…

0

Comments

0 comments

Questions to ask your partner, to revive your relationship

Is he interested or not?