!ماتشتريش… بدلي

الأونلاين شوبينج بالنسبة للبعض – وإن لم يكن الكل – هو حياة كامله متكاملة. وفي زمن الكورونا والتباعد الإجتماعي بقي الأونلاين شوبينج هو الحياة كلها حرفيًا ، سواء  بقي لبس ، أكل أو طلبات السوبر ماركت وغيرها كتير من الإحتياجات الشخصية واليومية اللي في أخر اليوم بتلاقي نفسك دافعه فيها كل  اللي وراكي واللي قدامك.

وبما أن أنا يا عزيزتي القارئة واحدة من مدمني الأونلاين شوبينج بكل تفاصيله، فأي إكتشاف جديد واجب عليا إني أعرف زميلاتي في الإدمان ده.

وقع في إيدي من كام يوم تطبيق إسمه SWAP  أو مقايضة. التطبيق ده فكرته لذيذه أوي وهو إن حضرتك لو عندك حاجه مش محتاجاها أو مبقتش مناسبة لإستخدامك الحالي، إنك تعرضيها على التطبيق للتبديل بشرط إن المنتج إللى هتعرضيه تكون حالته كويسه – وكله ببلاش!

التطبيق متقسم لعشرة أقسام وهي:

– الملابس وأدوات التجميل

– الإلكترونيات

– الحيوانات

– الهواتف المحمولة والتابلت

– المنزل

– الكتب

– السيارات

– الشقق

– خدمات

– أخرى

قسمين اتنين، قسم  الالكترونيات  و قسم الملابس وأدوات التجميل و اللي عليه اقبال كبير اوي، و إللى متقسم برده لستة أقسام وهي،

– الملابس

– إحتياجات الأطفال

– الشنط والأحذية

– الميك أب والبرفانات

– المجوهرات والإكسسوار

– الساعات والنظارات

واحده من أقوى وسائل البيع أونلاين لأي تطبيق – من وجهة نظري المتواضعة – هي عرض صور المنتج على الحقيقة لأنى بقدر أقيم بالعين المجردة جودة المنتج المعروض وحالته وده اللي التطبيق عمله بنجاح، ليه؟

مش كل الناس بتحب فكرة إنها تستخدم حاجة مستعملة خاصة لو كانت ملابس أو أحذية بس حقيقي الصور إللى معروضه كلها منتجات حالتها كويسه جدًأ وماركات عالمية، فكرة الماركات خاصة في نظام المقايضة أو التبديل مهمة أوي ومش عشان المنظرة ، لا ،  بس عشان فعلا الغالي ثمنه فيه وده واضح من الصور المعروضة إن حالة المنتجات خاصة في قسم الأحذية والشنط – أكثر المنتجات إستخدامًا – حالتها كسر زيرو 🙂

برغم إن التطبيق عمره قصير بس الإقبال المتزايد عليه خلاني متحمسه أشوف باقي الأقسام لما تشتغل بصوره كاملة هتكون أدائها عامل إزاي خاصة إنها كلها أقسام أصبحت أساسية لا غنى عنها لكثير من المستخدمين

To download Swap application 

Apple Store: 

https://apps.apple.com/eg/app/swap-مقايضة/id1518884414

Google Play:

.https://play.google.com/store/apps/details?id=com.team.swap&hl=ar&gl=US