خمس أسباب حيوية بيخلوكي تمارسي الجنس

ممارسة العلاقة الحميمة او الجنس او الحب زي ما بيتقال عليها ، حاجة أساسية للإنسان عموما، و دي حاجة مانقدرش نهرب منها و لا ننكرها خالص، بس الحقيقة ان في أسباب مهمة بتخليكي تمارسي العلاقة الحميمية و الأسباب دي مرتبطة جدا جدا بالحالة النفسية و الوضع اللي انتي فيه و الظروف اللي بتعيشيها مع شريك حياتك!

في المقالة دي هنتكلم علي اهم خمس أسباب بيخلوكي تمارسي العلاقة الحميمة:

أولا : الخوف

في أوقات كتير بتمارسي فيها العلاقة الحميمة عشان خايفة ، 

خايفة ان شريكك يسيبك و يمشي ،

خايفة انه يعرف عليكي حد تاني و يخونك ،

خايفة تبقي مقصرة،

الخوف سبب ستات كتير بتمارس العلاقة الحميمة عشانه، و الستات دي معظم الوقت مابتبقاش مستمتعة خالص بالعلاقة دي، بس بتعملها تأدية واجب عشان خايفة ، حتي لو مش بتقول دة لنفسها بس الحقيقي بيبقي انها خايفة!

ثانيا: الإحساس بالانتماء

العلاقة الحميمة أوقات كتير جدا بتبقي عامل أساسي و مهم في احساسك و إحساس شريك حياتك بالأمان و الانتماء، و بيبقي دة المنفذ الأساسي و المهم جدا عشان تحسي بانتمائك للشخص دة أو عشان تخليه هو يحس بالانتماء ليكي

ثالثا: الغضب

مش بتسمعوا عن حاجة اسمها ال  make up sex  و دي اللي بتبقي في وسط الخناقات ، في وسط ما انتي غضبانة سواء من شريكك أو من حاجة في حياتك ، تلاقيكي عايزة تمارسي العلاقة الحميمة بعنف و تفرغي فيها غضبك ،

عند الرجالة بتبقي برده في الغضب و بتبقي كمان في الحزن، يعني اكيد سمعتي عن الراجل اللي يبقي لسه راجع من عزاء حد قريب جدا ليه و هوووب عايز يعمل سكس مع مراته، هنا برده بتبقي لتفريغ طاقة الحزن 

رابعا: الاحتياج

و دي الحاجة الطبيعة الملحة، ان هرموناتك و جسمك يبقوا عايزين يطلعوا الطاقة اللي جواهم ، و اللي ربنا خلقها جوانا كحاجة أساسية، بس ديما يبقي الفرق بينا و بين الحيوانات اننا نقدر نتحكم في الحاجة دي، و الأفضل انك تمارسيها مع شريك حياتك اللي بتحبيه مش مع أي حد و خلاص عشان نقول اصلها  need  ولازم نعملها

خامسا: الحب 

و دي احلي و اهم الأسباب ، انك تبقي بتحبي شريك حياتك بجد و عايزين انتوا الاتنين تستمتعوا مع بعض بحاجة ربنا اداهالنا عشان نبقي لبعض سكن، تبقوا بجد بتمارسوا الحب و بتقدروه و تقدسوه، كل واحد فيكوا اختار الطرف التاني عشان يبقي شريكه و بيته و سكنه و سعادته ، و بتبقي العلاقة الحميمية هي التتويج للحب دة، و في الحالات دي بيبقي الطرفين مستمتعين جدا بالعلاقة الحميمية

في النهاية مهم اوي نفهم ان العلاقة الحميمية هي حب صافي مش مجرد حاجة إنسانية ملحة ، و ان تعددت أسباب ممارستها فمهم جدا يبقوا كل الأسباب دي  مصدرها حب و سكن و مودة!